ಇಗೋ ಬಂದಿದೆ ಈಜಾಡುವ ಕಾರು- ಫೋಕ್ಸ್‌ವ್ಯಾಗನ್ ಅಕ್ವಾ

ಫೋಕ್ಸ್‌ವ್ಯಾಗನ್ ಅಕ್ವಾ ಕಾರಿಗೆ ತುಂಬಾನೇ ಸುಲಭವಾದ ಹಾಗೂ ಸಹಜ ಎಕ್ಸ್‌ಟಿರಿಯರ್ ಹಾಗೂ ಎಂಟಿರಿಯರ್ ಡಿಸೈನ್‌ಗಳನ್ನುಆಳವಡಿಸಲಾಗಿದೆ.

ವಿಹಾರದ ವಾಹನವಾಗಿ ಫೋಕ್ಸ್‌ವ್ಯಾಗನ್ ಅಕ್ವಾ ಕಾನ್ಸೆಪ್ಟ್‌ ರಚಿಸಲಾಗಿದೆ. ಹಾಗಾಗಿ ದೈನಿಂದಿನ ಬದುಕಿನಲ್ಲಿ ಪ್ರಾಯೋಗಿಕವೆನಿಸುವುದು ಕಷ್ಟಸಾಧ್ಯ. ಈ ಕಾರಿನಲ್ಲಿ ಇಬ್ಬರಿಗೆ ಮಾತ್ರ ಸಂಚರಿಸಬಹುದಾಗಿದೆ.

ಕಾರಿಗೆ ಸರಿಯಾದ ಡೋರ್ ರೂಪುರೇಷೆ ನೀಡದಿರುವುದರಿಂದ ಕಾರಿನ ಒಳ ಪ್ರವೇಶ ಹಾಗೂ ನಿರ್ಗಮನ ಸ್ವಲ್ಪ ಕಷ್ಟವೆನಿಸಲಿದೆ.

ಪ್ರಸ್ತುತ ಫೋಕ್ಸ್‌ವ್ಯಾಗನ್ ಅಕ್ವಾ ಡಿಸೈನ್ ಚೀನಾದ ಪ್ರತಿಷ್ಠಿತ ಸಿಡಿಎನ್ ಕಾರು ಡಿಸೈನ್ ಪ್ರಶಸ್ತಿ ಸ್ಪರ್ಧೆಯಲ್ಲಿದ್ದು, ಅಂತಿಮ ಸುತ್ತಿನಲ್ಲಿದೆ.

ಭವಿಷ್ಯದ ವಾಹನಗಳು ಯಾವ ರೀತಿಯ ವಿನ್ಯಾಸ ಹೊಂದಿರಬೇಕು ಎಂಬುದಕ್ಕೆ ಫೋಕ್ಸ್‌ವ್ಯಾಗನ್ ಅಕ್ವಾ ಉತ್ತಮ ಉದಾಹರಣೆಯಾಗಿದೆ. ಇದರಂತೆ ವಿಭಿನ್ನ ಭೂಪ್ರದೇಶಗಳಲ್ಲಿ ಒಂದೇ ವಾಹನದಲ್ಲಿ ಸಂಚರಿಸಬಹುದಾಗಿದೆ.

ಜರ್ಮನಿಯ ಪ್ರತಿಷ್ಠಿತ ಕಾರು ತಯಾರಕ ಕಂಪನಿಯಾದ ಫೋಕ್ಸ್‌ವ್ಯಾಗನ್ ಸಹಯೋಗದಲ್ಲಿ ಚೀನಾದ ಎಂಜಿನಿಯರ್ ಯೂಹಾನ್ ಜಾಂಗ್ ಎಂಬಾತರು ಅಕ್ವಾ ಕಾರಿನ ಕಾನ್ಸೆಪ್ಟ್ ತಯಾರಿಸಿದ್ದಾರೆ.

ಫೋಕ್ಸ್‌ವ್ಯಾಗನ್ ಅಕ್ವಾ ಕಾರನ್ನು ನೀರು ಸೇರಿದಂತೆ ಮರಳು ಹಾಗೂ ನೀರ್ಗಲ್ಲು ಪ್ರದೇಶಗಳಲ್ಲಿ ಪ್ರಯೋಗ ಮಾಡಬಹುದಾಗಿದೆ.

ಫೋಕ್ಸ್‌ವ್ಯಾಗನ್ ಅಕ್ವಾ ಪರಿಸರ ಸ್ನೇಹಿ ಕಾರು ಕೂಡಾ ಆಗಿದೆ. ಇದರ ಚಾಲನೆಗೆ ಹೈಡ್ರೋಜನ್ ಗ್ಯಾಸ್ ಪ್ರಯೋಗ ಮಾಡಲಾಗಿದೆ. ಕಾರಿನ ವಿಂಡ್‌ಸ್ಕ್ರೀನ್ ಮುಖಾಂತರ ಎದುರುಗಡೆಯಿಂದ ಬರುತ್ತಿರುವ ಯಾವುದೇ ವಾಹನವನ್ನು ಸುಲಭವಾಗಿ ಪತ್ತೆಹಚ್ಚಬಹುದು.

ಫೋಕ್ಸ್‌ವ್ಯಾಗನ್ ಅಕ್ವಾ ಕಾರಿನಲ್ಲಿ ಪವರ್‌ಫುಲ್ ಎಂಜಿನ್ ಆಳವಡಿಸಲಾಗಿದ್ದು, ಇದರಿಂದ ಗಂಟೆಗೆ 100 ಕಿಲೋ ಮೀಟರ್ ವೇಗ ಪಡೆಯುವ ಸಾಮರ್ಥ್ಯ ಹೊಂದಿದೆ. ಅಲ್ಲದೆ ಕಾರಿನಲ್ಲಿರುವ ಏರ್ ಬ್ಯಾಗ್‌ನಲ್ಲಿ ಗಾಳಿ ತುಂಬುವುದರಿಂದ ವೇಗತೆಗೆ ನೆರವಾಗಲಿದೆ.

ಪ್ರಸ್ತುತ ಫೋಕ್ಸ್‌ವ್ಯಾಗನ್ ಅಕ್ವಾ ಕಾರಿನ ಕಾನ್ಸೆಪ್ಟ್ ತಯಾರಿಸಲಾಗಿದೆ. ಅದರೆ ಯೂನಾನ್ ಪ್ರಕಾರ ಭವಿಷ್ಯದಲ್ಲಿ ಜನಸಾಮಾನ್ಯರ ಕೈಸೇರಲಿದೆ.

ಫೋಕ್ಸ್‌ವ್ಯಾಗನ್ ಅಕ್ವಾ ಕಾರು ಯೂಹಾನ್ ಡ್ರೀಮ್ ಕಾರು ಆಗಿದ್ದು, ವಿಭಿನ್ನ ಭೂಪ್ರದೇಶಗಳಿಗೆ ಹೊಂದಾಕೆಯಾಗುವ ರೀತಿಯಲ್ಲಿ ತಯಾರಿಸಲಾಗಿದೆ.

ಒಟ್ಟಿನಲ್ಲಿ ಚೀನಾದ ಈ ಯುವ ವಿನ್ಯಾಸಕನ ಸಾಹಸವನ್ನು ಮೆಚ್ಚಲೇ ಬೇಕು ಅಲ್ವೇ..!