Click it and Unblock the Notifications
ಹೊಸ ವರ್ಷದಲ್ಲಿ ಬೆಂಝ್ ಎಸ್ ಕ್ಲಾಸ್ ಲಾಂಚ್
ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, 2014 ಎಸ್ ಕ್ಲಾಸ್ ಕಾರನ್ನು ಹೊಸ ವರ್ಷದಲ್ಲಿ ಲಾಂಚ್ ಮಾಡಲಿದೆ. ಈ ಮೊದಲು 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಎಸ್ ಕ್ಲಾಸ್ ಐಷಾರಾಮಿ ಕಾರು ಲಾಂಚ್ ಆಗುವ ಬಗ್ಗೆ ಸೂಚನೆಗಳು ಲಭಿಸಿದ್ದವು. ಆದರೆ ನಿಗದಿತ ಅವಧಿಗಿಂತ ಮುಂಚಿತವಾಗಿ ಮಾರುಕಟ್ಟೆಗೆ ಪರಿಚಯಿಸಲು ಕಂಪನಿ ನಿರ್ಧರಿಸಿದೆ.
ಬೆಂಝ್ ಸಿ ಕ್ಲಾಸ್ ಐಷಾರಾಮಿ ಕಾರು ಹೆಂಗಿದೆ ಅಂತೀರಾ?
ಈಗಷ್ಟೇ 2015 ಬೆಂಝ್ ಸಿ ಕ್ಲಾಸ್ ಮುಂಬರುವ ಡೆಟ್ರಾಯ್ಟ್ ಮೋಟಾರು ಶೋದಲ್ಲಿ ಅನಾವರಣಗೊಳ್ಳುವ ಬಗ್ಗೆ ಮಾಹಿತಿ ನೀಡಿದ್ದೆವು. ಒಟ್ಟಿನಲ್ಲಿ ಹೊಸ ವರ್ಷವು ಬೆಂಝ್ ಪಾಲಿಗೆ ಮಹತ್ವವೆನಿಸಲಿದೆ.
ಸದ್ಯ ಬಂದಿರುವ ಮಾಹಿತಿಗಳ ಪ್ರಕಾರ ಆಲ್ ನ್ಯೂ ಎಸ್ ಕ್ಲಾಸ್ ಜನವರಿ 8ರಂದು ನವದೆಹಲಿಯಲ್ಲಿ ಲಾಂಚ್ ಆಗಲಿದೆ. ಬೇಡಿಕೆ ಹೆಚ್ಚಾಗಿರುವ ಹಿನ್ನಲೆಯಲ್ಲಿ ಬಹುಬೇಗನೇ ಮಾರುಕಟ್ಟೆಗೆ ಪರಿಚಯಿಸಲು ಕಂಪನಿ ನಿರ್ಧರಿಸಿದೆ. ಎಸ್ ಕ್ಲಾಸ್ ಹಿಂದಿನ ಆವೃತ್ತಿ ಮಾರಾಟವು ಈಗಾಗಲೇ ಮುಗಿದಿದ್ದು, ಮುಂದಿನ ಮೂರು ತಿಂಗಳೊಳಗೆ 2014 ಎಸ್ ಕ್ಲಾಸ್ ಗ್ರಾಹಕರ ಕೈಸೇರಲಿದೆ.
ಅಂದ ಹಾಗೆ ಭಾರತದಲ್ಲಿ ಆರಂಭದಲ್ಲಿ ಎಸ್500 ವೆರಿಯಂಟ್ ಮಾತ್ರ ಲಭ್ಯವಿರಲಿದೆ. ಜರ್ಮನಿಯಿಂದ ಆಮದಾಗಲಿರುವ ಈ ಕಾರು 4.7 ಲೀಟರ್ ಟ್ವಿನ್ ಟರ್ಬೊಚಾರ್ಜ್ಡ್ ವಿ8 ಎಂಜಿನ್ನಿಂದ ನಿಯಂತ್ರಿಸಲ್ಪಡಲಿದ್ದು, 449 ಬಿಎಚ್ಪಿ (700 ಎನ್ಎಂ ಟಾರ್ಕ್) ಉತ್ಪಾದಿಸಲಿದೆ.
ಇನ್ನು ದರದ ಬಗ್ಗೆ ಮಾತನಾಡುವುದಾದರೆ ಬೆಂಝ್ ಎಸ್ ಕ್ಲಾಸ್ ಎರಡು ಕೋಟಿ ರು.ಗಳಷ್ಟು ದುಬಾರಿಯಾಗಲಿದೆ. ಇನ್ನೊಂದೆಡೆ ಎಸ್ 350 ಸಿಡಿಐ ವೆರಿಯಂಟ್ 2014 ಮಧ್ಯಂತರ ಅವಧಿಯಲ್ಲಿ ಮಾರುಕಟ್ಟೆಗೆ ತಲುಪಲಿದೆ.
Continue with Google