ಬಜಾಜ್ ಆರ್‌ಇ60 ಅಗ್ಗದ ಕಾರು ಅಲ್ಲವಂತೆ, ಇನ್ನೇನು?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಖಂಡಿತವಾಗಿಯೂ ಬಜಾಜ್ ಆರ್‌ಇ60 ಕಡಿಮೆ ವೆಚ್ಚದಲ್ಲಿ ನಿರ್ಮಾಣವಾಗಿರುವ ಪ್ರಯಾಣಿಕ ಕಾರು ಅಲ್ಲ. ಬದಲಾಗಿ ತ್ರಿಚಕ್ರ ವಾಹನದ ಸುಧಾರಿತ ರೂಪವಾಗಿದೆ ಎಂದು ತಿಳಿಸಿದೆ.

ಕಳೆದ ದಿನವಷ್ಟೇ ಕ್ವಾಡ್ರಾಸೈಕಲ್ ವಿಭಾಗದಲ್ಲಿ ಕಾಣಿಸಿಕೊಂಡಿರುವ ಬಜಾಜ್ ನಾಲ್ಕು ಚಕ್ರದ ಸಣ್ಣ ವಾಹನಕ್ಕೆ ಸರಕಾರ ಮಾನ್ಯತೆ ನೀಡುವುದರ ಬಗ್ಗೆ ಟಾಟಾ ಮೋಟಾರ್ಸ್ ತಗಾದೆ ಎತ್ತಿತ್ತು. ಇದರ ವಿರುದ್ಧ ಬಜಾಜ್ ಆಟೋ ಪ್ರತಿಕ್ರಿಯಿಸಿದೆ.

ಟಾಟಾ ನ್ಯಾನೋ ಬೇಡಿಕೆ ಕುಸಿದಿರುವುದೇ ಗ್ರಾಹಕರು ಅಗ್ಗದ ಕಾರಿನತ್ತ ಆಕರ್ಷಿತರಾಗಿಲ್ಲ ಎಂಬುದಕ್ಕೆ ಉದಾಹರಣೆಯಾಗಿದೆ ಎಂದು ಬಜಾಜ್ ಆಟೋ ವಕ್ತಾರ ತಿಳಿಸಿದ್ದಾರೆ.

ಕ್ವಾಡ್ರಾಸೈಕಲ್ ವಾಹನ ರಸ್ತೆಯಲ್ಲಿ ಸಂಚರಿಸುವುದಕ್ಕೆ ಮಾನ್ಯತೆ ನೀಡುವುದಕ್ಕೆ ಸಂಬಂಧಿಸಿದಂತೆ ಸರಕಾರ ಸಮಿತಿಯೊಂದನ್ನು ನೇಮಕಗೊಳಿಸಿದ್ದು, ಸಾಧಕ ಬಾಧಕಗಳನ್ನು ಪರಿಶೀಲಿಸಿ ಈ ಸಮಿತಿ ನೀಡುವ ವರದಿಯನ್ನು ಆಧಾರದ ಮೇಲೆ ಸರಕಾರದ ನಿರ್ಧಾರ ಪ್ರಕಟವಾಗಲಿದೆ.