Click it and Unblock the Notifications
ಬಿಎಂಡಬ್ಲ್ಯು ಐ8 ತಯಾರಿಗೆ ಎಂ ಎಂಜಿನಿಯರ್ಗಳ ಸಹಯೋಗವಿಲ್ಲ
ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಬಿಎಂಡಬ್ಲ್ಯು ತನ್ನ ನಿರ್ವಹಣಾ 'ಎಂ' ಮತ್ತು 'ಐ' ಹೈಬ್ರಿಡ್ ಕಾರುಗಳ ವಿಭಾಗದ ನಡುವೆ ಸಹಯೋಗವಿರುವುದಿಲ್ಲ ಎಂಬದನ್ನು ಸ್ಪಷ್ಟಪಡಿಸಿದೆ.
ನಿಮ್ಮ ಮಾಹಿತಿಗಾಗಿ, ಬಿಎಂಡಬ್ಲ್ಯು ಹೈಬ್ರಿಡ್ ಸ್ಪೋರ್ಟ್ಸ್ ಕಾರುಗಳು 'ಐ' ಬ್ಯಾಡ್ಜ್ನೊಂದಿಗೆ ಆಗಮನವಾಗುತ್ತಿದೆ. ಇನ್ನೊಂದೆಡೆ 'ಎಂ' ಬ್ಯಾಡ್ಜ್ ಕೂಡಾ ಸೂಪರ್ ಸ್ಪೋರ್ಟ್ಸ್ ಕಾರುಗಳನ್ನು ನಿರ್ಮಿಸುವುದರಲ್ಲಿ ಹೆಸರುವಾಸಿಯಾಗಿದೆ. ಹಾಗಿದ್ದರೂ 'ಎಂ' ವಿಭಾಗದ ಯಾವುದೇ ಎಂಜಿನಿಯರ್ 'ಐ' ಕಾರುಗಳ ಉತ್ಪಾದನೆಯಲ್ಲಿ ತೊಡುಗುವುದಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದೆ.
ಈ ಹಿಂದೆ ಬಿಎಂಡಬ್ಲ್ಯು ಎಂ ವಿಭಾಗದ ಸಹಯೋಗದೊಂದಿಗೆ 'ಎಂಐ8' ಕಾರು ತಯಾರಾಗಲಿದೆಯೆಂಬ ಊಹಾಪೋಹಗಳಿದ್ದವು. ಆದರೆ 'ಎಂ' ಸಬ್ ಬ್ರಾಂಡ್ ಎಂಜಿಯರ್ಗಳು ಐ8 ಅಭಿವೃದ್ಧಿಯಲ್ಲಿ ತೊಡಗುವುದಿಲ್ಲ ಎಂಬುದನ್ನು ಸ್ಪಷ್ಟಪಡಿಸುವ ಮೂಲಕ ಬಿಎಂಡಬ್ಲ್ಯು, 'ಐ' ಕಾರುಗಳು ವಿಭಿನ್ನವಾಗಿ ಗುರುತಿಸಿಕೊಳ್ಳಲಿದೆ ಎಂಬುದನ್ನು ಸ್ಪಷ್ಟಪಡಿಸಿದೆ.
'ಎಂ' ಹಾಗೂ 'ಐ' ಸಬ್ ಬ್ರಾಂಡ್ಗಳ ನಡುವೆ ಯಾವುದೇ ರೀತಿಯ ಸ್ಪರ್ಧೆ ಏರ್ಪಡುವುದಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿರುವ ಬಿಎಂಡಬ್ಲ್ಯು, ಎರಡು ವಿಭಿನ್ನ ಗುರುತುಗಳನ್ನು ಹೊಂದಿದ್ದು, 'ಐ8' ಎಂಬುದು ಸ್ಪೋರ್ಟ್ಸ್ ಕಾರಾಗಿರಲಿದೆ ಎಂದಿದೆ.
ಫ್ರಾಂಕ್ಫರ್ಟ್ ಮೋಟಾರ್ ಶೋದಲ್ಲಿ ಪ್ರದರ್ಶನ ಕಂಡಿರುವ ಬಿಎಂಡಬ್ಲ್ಯು 'ಐ8' ವಿದ್ಯುತ್ ಚಾಲಿತ ವಾಹನವಾಗಿದ್ದು, ಇದರ ಕೆಲವೊಂದು ನಿರ್ವಹಣಾ ಮಾನದಂಡಗಳು 'ಎಂ3' ಕಾರನ್ನು ಹೋಲುತ್ತದೆ.
'ಐ' ಬ್ರಾಂಡ್ ವಿಚಾರದಲ್ಲಿ ಬಿಎಂಡಬ್ಲ್ಯು ತನ್ನದೇ ಆದ ವಿಶೇಷ ಯೋಜನೆಯನ್ನು ಹೊಂದಿದ್ದು, ಹಾಗಾಗಿ ಸಹಭಾಗಿತ್ವದಲ್ಲಿ ತೊಡಗದಿರಲು ನಿರ್ಧರಿಸಿದೆ.
ಎರಡು ಬ್ರಾಂಡ್ಗಳು ಗರಿಷ್ಠ ನಿರ್ವಹಣೆಯನ್ನು ಹೊಂದಿದೆ. ಆದರೆ ಐ8ಗೆ ಹೋಲಿಸಿದರೆ 'ಎಂ' ವಿಭಾಗ ಹೆಚ್ಚು ವೇಗತೆಯನ್ನು ಪಡೆದಿದೆ. 'ಐ' ಕಾರುಗಳು 4.4 ಸೆಕೆಂಡುಗಳಲ್ಲಿ 100 ಕೀ.ಮೀ. ಕ್ರಮಿಸುವ ಸಾಮರ್ಥ್ಯ ಹೊಂದಿದೆ.
ಬಿಎಂಡಬ್ಲ್ಯು 'ಐ' ಬ್ರಾಂಡ್ ಯಶಸ್ವಿ ಕಂಡರೆ ಅದು ಬಿಎಂಡಬ್ಲ್ಯು ಪಾಲಿಗೆ ಮಹತ್ತರ ಸಾಧನೆಯಾಗಿರಲಿದೆ. ಇದು ಭವಿಷ್ಯದ ಯೋಜನೆಯ ವಿಶ್ವಾಸವನ್ನು ಇಮ್ಮಡಿಗೊಳಿಸಲಿದೆ ಬಲಪಡಿಸಲಿದೆ ಎಂದಿದೆ.
Continue with Google