ಸದ್ದಿಲ್ಲದೆ ಹ್ಯುಂಡೈ ವರ್ನಾ ಸೆಡಾನ್ ಅಪ್‌ಡೇಟ್

ದಕ್ಷಿಣ ಕೊರಿಯಾ ಮೂಲದ ವಾಹನ ತಯಾರಕ ಸಂಸ್ಥೆಯಾಗಿರುವ ಹ್ಯುಂಡೈ, ಸದ್ದಿಲ್ಲದೆ ತನ್ನ ವರ್ನಾ ಸೆಡಾನ್ ಕಾರನ್ನು ಪರಿಷ್ಕೃತಗೊಳಿಸಿದೆ. ಸಣ್ಣ ಪುಟ್ಟ ಬದಲಾವಣೆಗಳನ್ನು ಪಡೆದುಕೊಂಡಿರುವ ನೂತನ ವರ್ನಾ ಇದೀಗ ದೇಶದೆಲ್ಲ ಹ್ಯುಂಡೈ ಡೀಲರ್‌ಶಿಪ್‌ಗಳ ಬಳಿ ಲಭ್ಯವಿರಲಿದೆ.

ಹ್ಯುಂಡೈ ವರ್ನಾ ಸೆಡಾನ್ ಕಾರಿನ ಕಾರ್ಯನಿರ್ವಹಣೆಯನ್ನು ಇನ್ನಷ್ಟು ಹೆಚ್ಚಿಸಲು ಕ್ರಿಯಾತ್ಮಕ ವಿನ್ಯಾಸದಲ್ಲಿ ಬದಲಾವಣೆ ತರಲಾಗಿದೆ. ಇವುಗಳಲ್ಲಿ ಪವರ್ ವಿಂಡೋಗಳಲ್ಲಿ ಬ್ಯಾಕ್ ಲಿಟ್ ಬಟನ್ ಹಾಗೂ ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್ ಪ್ರಮುಖವಾಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಹಾಗೆಯೇ ಟಾಪ್ ವೆರಿಯಂಟ್‌ಗಳಲ್ಲಿ ಲಭ್ಯವಿರುವ ಸ್ಪೇರಿಂಗ್ ವೀಲ್‌ಗಳಲ್ಲಿ ಅಲಾಯ್ ವೀಲ್ ಬದಲು ಸ್ಟೀಲ್ ರಿಮ್ ಕಾಣಿಸಿಕೊಳ್ಳಲಿದೆ. ಹೆಡ್ ಲ್ಯಾಂಪ್ ಜೋಡಣೆಯಲ್ಲಿ ಎಲ್‌ಇಡಿ ಲ್ಯಾಂಪ್ ಕೂಡಾ ಲಗತ್ತಿಸುವ ಸೂಚನೆಯಿದ್ದರೂ ಅದೀಗ ಹಿಂಪಡೆಯಲಾಗಿದೆ. ಅಷ್ಟಕ್ಕೂ ನೂತನ ವರ್ನಾ ಸೆಡಾನ್ ದರಗಳಲ್ಲಿ ಯಾವುದೇ ವ್ಯತ್ಯಾಸ ಕಂಡುಬರುವುದಿಲ್ಲ.