ಹ್ಯುಂಡೈ ಸ್ಯಾಂಟ್ರೊಗೆ ಬದಲಿಯಾಗಿ ಕಿಯಾ ರೇ ಸಣ್ಣ ಕಾರು

ದೇಶದ ವಾಹನೋದ್ಯಮದ ಪಾಲಿಗೆ ಐಕಾನಿಕ್ ಕಾರೆನಿಸಿಕೊಂಡಿರುವ ಹ್ಯುಂಡೈ ಸ್ಯಾಂಟ್ರೋ ಇದೀಗ ಔಟ್ ಡೇಟಡ್ ಮಾಡೆಲ್ ಎನಿಸಿಕೊಳ್ಳುತ್ತಿದೆ. ಇದನ್ನು ಚೆನ್ನಾಗಿ ಅರಿತುಕೊಂಡಿರುವ ದಕ್ಷಿಣ ಕೊರಿಯಾ ಮೂಲದ ಈ ವಾಹನ ತಯಾರಕ ಸಂಸ್ಥೆಯು ಸ್ಯಾಂಟ್ರೋ ಸ್ಥಾನದಲ್ಲಿ ಹೊಸತೊಂದು ಕಾರನ್ನು ಲಾಂಚ್ ಮಾಡುವ ಇರಾದೆ ಹೊಂದಿದೆ.

ಹ್ಯುಂಡೈ ಪಾಲಿಗೆ ದೇಶದಲ್ಲಿ ಸರ್ವಕಾಲಿಕ ಶ್ರೇಷ್ಠ ಕಾರೆನಿಸಿಕೊಂಡಿರುವ ಸ್ಯಾಂಟ್ರೋಗೆ ಬದಲಿ ಕಾರು ಹುಡುಕುವುದು ಅಷ್ಟೊಂದು ಸುಲಭದ ಕೆಲಸವಲ್ಲ. ಇದು ಭಾರತದ ರಸ್ತೆ ಪರಿಸ್ಥಿತಿಯಲ್ಲಿ ಎಷ್ಟೊಂದು ಯಶ ಸಾಧಿಸಲಿದೆ ಎಂಬುದನ್ನು ತುಲನೆ ಮಾಡುವುದು ಕಷ್ಟ.

ನಿಮ್ಮ ಮಾಹಿತಿಗಾಗಿ, ದಕ್ಷಿಣ ಕೊರಿಯಾದ ಕಾರು ಬ್ರಾಂಡ್ ಆಗಿರುವ ಕಿಯಾ ಮಾಲಿಕತ್ವನ್ನು ಹ್ಯುಂಡೈ ಹೊಂದಿದೆ. ಹಾಗಿದ್ದರೂ ಕಿಯಾ ವಿಭಿನ್ನ ಇರುವನ್ನು ಹೊಂದಿದ್ದು, ತನ್ನದೇ ಆದ ನಿರ್ಧಾರವನ್ನು ತೆಗೆದುಕೊಳ್ಳಲು ಸ್ವತಂತ್ರವಾಗಿದೆ.

ಪ್ರಸ್ತುತ 998ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುವ ಕಿಯಾ ರೇ, 105 ಬಿಎಚ್‌ಪಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದು ದೇಶದಲ್ಲಿ ಹ್ಯುಂಡೈ ಗುರುತನ್ನು ಪಡೆದುಕೊಳ್ಳಲಿದೆ.