ಐಪಿಎಲ್‌: ಡ್ರಿಂಕ್ ಮಾಡಿದರೆ ನಿಮ್ಮ ಸೇವೆಗೆ ಸ್ಕೋಡಾ ಚಾಲಕರು

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ನೈಟ್ ಕ್ಲಬ್ ಹಾಗೂ ಬಾರ್‌ಗಳಿಗೆ ತೆರಳಿ ಐಪಿಎಲ್ ಪಂದ್ಯ ವೀಕ್ಷಿಸುವವರು ತಡರಾತ್ರಿ ವೇಳೆಯಲ್ಲಿ ಪಾನಮತ್ತರಾಗಿ ಡ್ರೈವಿಂಗ್ ಮಾಡುವುದನ್ನು ತಡೆಯಲು ಸ್ಕೋಡಾದ ಈ ಸೇವೆ ನೆರವಾಗಲಿದೆ.

ಇದರಂತೆ ಸ್ಕೋಡಾ ಕಾರು ಚಾಲಕರು ನಿಮ್ಮ ನೆರವಿಗೆ ಬರಲಿದ್ದು, ನಿಮ್ಮನ್ನು ಸುರಕ್ಷಿತವಾಗಿ ಮನೆಗೆ ತಲುಪಿಸಲಿದ್ದಾರೆ. ಈ ಮೂಲಕ ಅಪಾಯವನ್ನು ತಪ್ಪಿಸಬಹುದಾಗಿದೆ.

ಇದಕ್ಕಾಗಿ 'ಇಫ್ ಯು ಡ್ರಿಂಕ್, ವಿ ಡ್ರೈವ್' ಎಂಬ ವಿಶೇಷ ಅಭಿಯಾನವನ್ನು ಸ್ಕೋಡಾ ಆರಂಭಿಸಿದೆ. ಪ್ರಸ್ತುತ ಮುಂಬೈ ನಗರದಲ್ಲಿ ಮಾತ್ರ ಈ ಸೇವೆ ಲಭ್ಯವಿರುತ್ತದೆ. ಇದಕ್ಕಾಗಿ ನೀವು ಸ್ಕೋಡಾ ಅಧಿಕೃತ ವೆಬ್‌ಸೈಟ್ ಸ್ಕೋಡಾ-ಆಟೋ ಟಾಟ್ ಕೊ ಡಾಟ್ ಇನ್ ಅಥವಾ ಟಾಲ್ ಫ್ರೀ 9769-110022 / 9819-110022 ನಂಬರ್‌ಗೆ ಕರೆ ಮಾಡಬಹುದು. ಪ್ರಸ್ತುತ ಸೇವೆ ಮೇ 15ರ ವರೆಗೆ ಮುಂದುವರಿಯಲಿದೆ.