ಸದ್ಯದಲ್ಲೇ ಮಾರುತಿ ವ್ಯಾಗನಾರ್ ಡೀಸೆಲ್ ಕಾರು ಎಂಟ್ರಿ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಅಂತರಾಷ್ಟ್ರೀಯ ತೈಲ ಮಾರುಕಟ್ಟೆಯಲ್ಲಿನ ಏರಿಳಿತದಿಂದಾಗಿ ಪೆಟ್ರೋಲ್ ಸಹಿತ ಡೀಸೆಲ್ ದರದಲ್ಲೂ ಗಣನೀಯ ವರ್ಧನೆಯುಂಟಾಗುತ್ತಿರುವ ಈ ಸಂದರ್ಭದಲ್ಲಿ ಮಾರುತಿಯ ಈ ಹೊಸ ನೀತಿಯು ಎಷ್ಟರ ಮಟ್ಟಿಗೆ ಯಶ ಕಾಣಲಿದೆ ಎಂಬುದು ಸಂದೇಹಕ್ಕೆ ಎಡೆಮಾಡಿಕೊಟ್ಟಿದೆ.

ಪ್ರಸ್ತುತ ಸಣ್ಣ ಡೀಸೆಲ್ ಎಂಜಿನ್ ನಿರ್ಮಾಣದತ್ತ ಮಾರುತಿ ಕಾರ್ಯ ಮಗ್ನವಾಗಿದೆ. 1.0 ಟರ್ಬೊಚಾರ್ಜ್ಡ್ ತ್ರಿ ಸಿಲಿಂಡರ್ ಡೀಸೆಲ್ ಎಂಜಿನ್, ಆಲ್ಟೊ ಸೇರಿದಂತೆ ಎ ಸ್ಟಾರ್ ಹಾಗೂ ವ್ಯಾಗನಾರ್ ಆವೃತ್ತಿಯಲ್ಲೂ ಆಳವಡಿಕೆಯಾಗಲಿದೆ ಎಂದು ಆಟೋ ಮೂಲಗಳು ತಿಳಿಸುತ್ತಿವೆ.

ಈ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ. ಹಾಗಿದ್ದರೂ ಸ್ಥಳೀಯವಾಗಿ ನಿರ್ಮಿಸಲಾಗುತ್ತಿರುವ ಡೀಸೆಲ್ ಎಂಜಿನ್‌ಗಳನ್ನು ಆಳವಡಿಸಲಾಗುವುದು ಎಂಬುದಂತೂ ಸ್ಪಷ್ಟವಾಗಿದೆ. ಪ್ರಸ್ತುತ ಲಭ್ಯವಿರುವ ಮಾಹಿತಿ ಪ್ರಕಾರ ಮುಂಬರುವ ಹಬ್ಬದ ಆವೃತ್ತಿ ವೇಳೆ ಮಾರುತಿ ವ್ಯಾಗನಾರ್ ಡೀಸೆಲ್ ಎಂಜಿನ್ ಬಿಡುಗಡೆಯಾಗಲಿದೆ. ಈ ಎಲ್ಲ ಬೆಳವಣಿಗೆಗಳನ್ನು ಆಟೋ ಜಗತ್ತು ಕುತೂಹಲದಿಂದ ಎದುರು ನೋಡುತ್ತಿದೆ.