ಸದ್ದಿಲ್ಲದೆ ಮಾರುತಿ ರಿಟ್ಜ್ ಆಟೋಮ್ಯಾಟಿಕ್ ಲಾಂಚ್

Updated: Friday, January 4, 2013, 17:12 [IST]

ಹೊಸ ವರ್ಷದ ಸಂಭ್ರಮಕ್ಕೆ ಇನ್ನಷ್ಟು ಮೆರಗು ನೀಡುವಂತೆಯೇ ದೇಶದ ಅತಿ ದೊಡ್ಡ ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (ಎಂಎಸ್‌ಐಎಲ್) ಆಟೋಮ್ಯಾಟಿಕ್ ರಿಟ್ಜ್ ಕಾರನ್ನು ಲಾಂಚ್ ಮಾಡಿದೆ.

ದರ ಮಾಹಿತಿ
ಮಾರುತಿ ರಿಟ್ಜ್ ಆಟೋಮ್ಯಾಟಿಕ್ ವೆರಿಯಂಟ್ ಮುಂಬೈ ಎಕ್ಸ್ ಶೋ ರೂಂ ದರ 6.43 ಲಕ್ಷ ರು.ಗಳಾಗಿವೆ. ಇದರ 4 ಸ್ಪೀಡ್ ಆಟೋಮ್ಯಾಟಿಕ್ ಬಾಕ್ಸ್ 87 ಪಿಎಸ್ ಉತ್ಪಾದಿಸಲಿದ್ದು, 1.2 ಲೀಟರ್ ಕೆ-ಸಿರೀಸ್ ಪೆಟ್ರೋಲ್ ಎಂಜಿನ್ ಹೊಂದಿದೆ.

ಮೈಲೇಜ್
ಮಾರುತಿಯ ಪ್ರಕಾರ ಆಟೋಮ್ಯಾಟಿಕ್ ರಿಟ್ಜ್ ಪ್ರತಿ ಲೀಟರ್‌ಗೆ ಗರಿಷ್ಠ 17.16 ಕೀ.ಮೀ ಮೈಲೇಜ್ ನೀಡಲಿದೆ. ಇದು ಇತರ ಮಾದರಿಗಳನ್ನು ಹೋಲಿಸಿದಾಗ ಉತ್ತಮ ಇಂಧನ ಕ್ಷಮತೆ ಹೊಂದಿದೆ.

ಹಾಗಿದ್ದರೆ ಬನ್ನಿ ಫೋಟೋ ಫೀಚರ್ ಮೂಲಕ ನೂತನ ರಿಟ್ಜ್ ಬಗ್ಗೆ ಹೆಚ್ಚು ತಿಳಿದುಕೊಳ್ಳೋಣ

ಆನಂದದಾಯಕ ಪಯಣದ ಆರಂಭ

ನಿಮ್ಮ ಆರಾಮದಾಯಕ ಪಯಣವನ್ನು ಗಮನದಲ್ಲಿಟ್ಟುಕೊಂಡು ನೂತನ ರಿಟ್ಜ್ ತಯಾರಿಸಲಾಗಿದೆ. ಯೂನಿಕ್ ಟಾಲ್ ಬಾಯ್ ಡಿಸೈನ್ ಹಾಗೂ ಇನ್ನಿತರ ಸುಧಾರಿತ ವೈಶಿಷ್ಟ್ಯಗಳು ಕಾರು ಚಾಲನೆ ವೇಳೆ ಹೆಚ್ಚು ಆನಂದದಾಯಕ ಭಾವನೆಗೆ ಕಾರಣವಾಗಲಿದೆ.

ನ್ಯೂ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್

ನೂತನ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಫೀಚರ್ಸ್ ಕಾರಿನೊಳಗೆ ಹೆಚ್ಚು ಆಹ್ಲಾದಕರ ಹಾಗೂ ಸಂತೋಷದಾಯಕ ಭಾವನೆಗೆ ಕಾರಣವಾಗಲಿದೆ. ಹೆಚ್ಚು ಹೆಡ್ ರೂಂ ಹಾಗೂ ಲೆಗ್ ರೂಂಗಳು ಉತ್ತಮ ಪಯಣಕ್ಕೆ ನೆರವು ಮಾಡಲಿದೆ.