ಮಾರುತಿಯಿಂದ ಝೆನ್ ಎಸ್ಟಿಲೊ ಉತ್ಪಾದನೆ ಸ್ಥಗಿತ?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಆದರೆ ಎಲ್ಲ ಮಾರುತಿ ಕಾರುಗಳಿಗೂ ಮಾರುಕಟ್ಟೆಯಲ್ಲಿ ಯಶ ಪಡೆಯಲು ಸಾಧ್ಯವಾಗಿಲ್ಲ ಎಂಬುದು ಕೂಡಾ ಅಷ್ಟೇ ಸತ್ಯ. ಇವುಗಳಲ್ಲಿ ಪ್ರಮುಖವಾಗಿರುವುದು ಝೆನ್ ಎಸ್ಟಿಲೊ. ಪ್ರಸ್ತುತ ಕಾರು ಮಾರುಕಟ್ಟೆಯಲ್ಲಿ ಧರೆಗುಳಿದಿರುವುದರಿಂದ 2013 ಮಾರ್ಚ್ ವೇಳೆಗೆ ಉತ್ಪಾದನೆ ಸ್ಥಗಿತಗೊಳಿಸಲು ಮಾರುತಿ ಯೋಜನೆ ಹಾಕಿಕೊಂಡಿದೆ.

ಅಂದ ಹಾಗೆ ಈ ನಿಲುವು ಕಳೆದ ವರ್ಷವೇ ಅನುಸರಿಸಲಾಗಿತ್ತು. ಕಳೆದ ವರ್ಷ ಝೆನ್ ಎಸ್ಟಿಲೊ ಉತ್ಪಾದನೆಯನ್ನು ಕಡಿತಗೊಳಿಸಲಾಗಿತ್ತು. ಇದೀಗ ಉತ್ಪಾದನೆ ಸ್ಥಗಿತಗೊಳಿಸುವ ಯೋಚನೆಯಲ್ಲಿದೆ.

ಪೆಟ್ರೋಲ್ ಕಾರುಗಳಿಗೆ ಬೇಡಿಕೆ ಕುಸಿದಿರುವುದು ಹಾಗೂ ಮಾರುತಿಯ ಇತರ ಮಾದರಿಗಳು (ಮಾರುತಿ 800, ಎ-ಸ್ಟಾರ್) ಸಹ ಅದೇ ಸ್ಮರ್ಧಾತ್ಮಕ ದರದಲ್ಲಿ ಗ್ರಾಹಕರನ್ನು ತಲುಪುತ್ತಿರುವುದು ಝೆನ್ ಬೇಡಿಕೆ ಕುಸಿಯಲು ಕಾರಣವಾಗಿದೆ. ಅಲ್ಲದೆ ಪ್ರಮುಖ ಸ್ಪರ್ಧಾಳುಗಳಾದ ಹ್ಯುಂಡೈ ಐ10, ಹೊಂಡಾ ಬ್ರಿಯೊ ಹಾಗೂ ಷೆವರ್ಲೆ ಬೀಟ್‌ಗೆ ಪೈಪೋಟಿ ಒಡ್ಡುವಲ್ಲಿ ವಿಫಲವಾಗಿರುವುದು ಝೆನ್ ಹಿನ್ನಡೆಗೆ ಕಾರಣವಾಗಿದೆ. ಒಟ್ಟಿನಲ್ಲಿ ಮಾರುತಿ ಅಧಿಕೃತ ಘೋಷಣೆ ಯಾವಾಗ ಹೊರಬೀಳಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.