ಕಹಿ ಸುದ್ದಿ; ಮಹೀಂದ್ರ ನೂತನ ಕಾರು ಸದ್ಯಕ್ಕಿಲ್ಲ

ಭಾರತದ ವಾಹನ ಪ್ರಿಯರಿಗೆ ಕಹಿ ಸುದ್ದಿ ಬಂದಿದ್ದು, ಮುಂದಿನ ಕೆಲವು ವರ್ಷಗಳ ಕಾಲ ನೂತನ ಕಾರು ಲಾಂಚ್ ಮಾಡದಿರಲು ದೇಶದ ಮುಂಚೂಣಿಯ ಕಾರು ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಆಂಡ್ ಮಹೀಂದ್ರ ನಿರ್ಧರಿಸಿದೆ.

ಇದರರ್ಥ ಕಾರು ಮಾರುಕಟ್ಟೆಯಿಂದ ಮಹೀಂದ್ರ ಸಂಪೂರ್ಣವಾಗಿ ದೂರ ಸರಿಯಲಿದೆ ಎಂಬುದಲ್ಲ. ಬದಲಾಗಿ 2016ರ ವರೆಗೆ ನೂತರ ಕಾರುಗಳ ಬದಲು ಈಗಿರುವ ಮಾಡೆಲ್‌ಗಳ ಪರಿಷ್ಕೃತ ಆವೃತ್ತಿಗಳನ್ನು ಲಾಂಚ್ ಮಾಡಲಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಇದರಿಂದಾಗಿ ಎಸ್101 ಕಾಂಪಾಕ್ಟ್ ಎಸ್‌ಯುವಿ, ನೂತನ ಸ್ಕಾರ್ಪಿಯೊ ಹಾಗೂ ಬೊಲೆರೊ ಆವೃತ್ತಿಗಳನ್ನು ನಿರೀಕ್ಷಿಸುತ್ತಿದ್ದ ಗ್ರಾಹಕರಿಗೆ ನಿರಾಸೆಯುಂಟಾಗಿದೆ. ಯಾಕೆಂದರೆ ಮಹೀಂದ್ರದಿಂದ ಆಗಮನವಾಗಲಿರುವ ಈ ಎಲ್ಲ ಆವೃತ್ತಿಗಳು ಸ್ವಲ್ಪ ತಡವಾಗಿ ಅಂದರೆ 2016ರ ಬಳಿಕವಷ್ಟೇ ಮಾರುಕಟ್ಟೆ ಪ್ರವೇಶಿಸಲಿದೆ.