ಮಹಿಳೆಯರಿಂದ ಮಹಿಳೆಯರಿಗಾಗಿ ಗುಲಾಬಿ ಬಣ್ಣದ ಆಟೋ ರಿಕ್ಷಾ

ದಿನನಿತ್ಯದ ಸುದ್ದಿಗಳಲ್ಲಿ ಕೊಲೆ, ಹಲ್ಲೆ, ಬೆದರಿಕೆ, ಮಹಿಳೆ ಮೇಲೆ ಅತ್ಯಾಚಾರ ಹೀಗೆ ಹತ್ತು ಹಲವು ಭೀತಿ ಹುಟ್ಟಿಸುವ ಸುದ್ದಿಗಳನ್ನು ಕೇಳುತ್ತಿರುತ್ತೇವೆ. ಇನ್ನು ಸಾಮಾಜದಲ್ಲಿ ಮಹಿಳೆ ಮೇಲಿನ ಹಿಂಸಾಚಾರವಂತೂ ಹೆಚ್ಚಾಗುತ್ತಲೇ ಇವೆ.

ಈ ನಡುವೆ ಮಹಿಳೆ ಮೇಲಿನ ಇಂತಹ ಅಕ್ರಮವನ್ನು ತಡೆಗಟ್ಟಲು ಮುಂದಾಗಿರುವ ರಾಂಚಿಯಲ್ಲಿ ಮಹಿಳೆಯರಿಂದ ಮಹಿಳೆಯರಿಗಾಗಿ ಗುಲಾಬಿ ಬಣ್ಣದ ಆಟೋ ರಿಕ್ಷಾ ಸೇವೆ ಆರಂಭಿಸಲಾಗುತ್ತಿದೆ. ಜಾರ್ಖಂಡ್ ಟ್ರಾಫಿಕ್ ಪೊಲೀಸ್ ವಿಭಾಗವು ಈ ವಿನೂತನ ಯೋಜನೆ ಮುಂದಿಟ್ಟಿದೆ. ಪ್ರಸ್ತುತ 200ರಷ್ಟು ಇಂತಹ ಗುಲಾಬಿ ಬಣ್ಣದ ಆಟೋಗಳನ್ನು ರಸ್ತೆಗಿಳಿಸಲು ಗುರಿಯಿರಿಸಲಾಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಪ್ರಸ್ತುತ ಆಟೋ ರಿಕ್ಷಾಗಳು ಜಿಪಿಎಸ್ ತಂತ್ರಜ್ಞಾನ ಹಾಗೂ ಪ್ಯಾನಿಕ್ ಬಟನ್ (ಅಲರ್ಟ್ ಸ್ವಿಚ್) ಕೂಡಾ ಹೊಂದಿರಲಿದೆ. ಇದು ಮಹಿಳಾ ಯಾತ್ರಿಕರಿಗೆ ಹೆಚ್ಚುವರಿ ಸುರಕ್ಷತೆ ದಯಪಾಲಿಸಲಿದೆ. ಇದರಿಂದ ಸಮಸ್ಯೆಗೆ ಸಿಕ್ಕಿಹಾಕಿಕೊಂಡಿದ್ದಲ್ಲಿ ಪ್ಯಾನಿಕ್ ಬಟನ್ ಒತ್ತಬಹುದಾಗಿದೆ. ಈ ಸಂದರ್ಭದಲ್ಲಿ ರಿಕ್ಷಾದಲ್ಲಿ ಆಳವಡಿಸಲಾಗಿರುವ ಜಿಪಿಎಸ್ ಸಿಸ್ಟಂ ಮುಖಾಂತರ ಆಟೋ ರಿಕ್ಷಾವನ್ನು ತಕ್ಷಣ ಪತ್ತೆ ಹಚ್ಚಲು ಅಧಿಕಾರಿಗಳಿಗೆ ನೆರವಾಗಲಿದೆ. ಸ್ಥಳೀಯ ಸಾರಿಗೆ ಇಲಾಖೆಯಿಂದ ಮಾನ್ಯತೆಯ ಅಂತಿಮ ಘಟ್ಟದಲ್ಲಿರುವ ಈ ಪಿಂಕ್ ಲೈನ್ ಆಟೋ ಸರ್ವೀಸ್ ಸದ್ಯದಲ್ಲೇ ರಾಂಚಿ ನಗರದಲ್ಲಿ ಜಾರಿಯಾಗುವ ನಿರೀಕ್ಷೆಯಿದೆ.