ಕೊನೆಗೂ ಮಾನ್ಯತೆ ಪಡೆದ ಕ್ವಾಡ್ರಾಸೈಕಲ್

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಹೊಸ ನಿಯಮದಂತೆ ನಾಲ್ಕು ಚಕ್ರದ ಈ ವಿಭಾಗದ ವಾಹನಗಳನ್ನು ಟ್ಯಾಕ್ಸಿ ಅಥವಾ ಸರಕು ಸಾಗಣೆ ವಾಹನವಾಗಿ ಬಳಕೆ ಮಾಡಬಹುದಾಗಿದೆ. ಆದರೆ ಯಾವುದೇ ಕಾರಣಕ್ಕೂ ವೈಯಕ್ತಿಕ ಪ್ರಯಾಣಕ್ಕೆ ಬಳಸುವಾಗಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದೆ.

ಇದರೊಂದಿಗೆ ಕ್ವಾಡ್ರಾಸೈಕಲ್ ಮಾನ್ಯತೆ ನಿರೀಕ್ಷೆ ಮಾಡುತ್ತಿದ್ದ ಬಜಾಜ್ ಆಟೋಗೆ ನಿರಾಳತೆ ಸಿಕ್ಕಂತಾಗಿದೆ. ಯಾಕೆಂದರೆ ಕ್ವಾಡ್ರಾಸೈಕಲ್ ವಿಭಾಗದಲ್ಲಿ ಕಾಣಿಸಿಕೊಂಡಿರುವ ಬಜಾಜ್ ಆಟೋದ ನೂತನ 'ಆರ್‌ಇ60' ಸದ್ಯದಲ್ಲೇ ಮಾರುಕಟ್ಟೆಗೆ ಅಪ್ಪಳಿಸಲಿದೆ. ಆಟೋ ರಿಕ್ಷಾಗಳಿಗೆ ಬದಲಿ ವ್ಯವಸ್ಥೆ ಎಂದೇ ಬಿಂಬಿಸಲಾಗುತ್ತಿರುವ ಆರ್‌ಇ60 ಬಾಡಿಗೆ ಮೋಟಾರ್ ವಾಹನವಾಗಿ ಬಳಕೆ ಮಾಡಬಹುದಾಗಿದೆ.

ಈ ಸಂಬಂಧ ಕೇಂದ್ರ ಮೋಟಾರ್ ವಾಹನ ನಿಯಮವನ್ನು ತಿದ್ದುಪಡಿಗೊಳಿಸಲಾಗುವುದು ಎಂದು ಕೇಂದ್ರ ಸಚಿವಾಲಯ ತಿಳಿಸಿದೆ. ನೂತನ ಕ್ವಾಡ್ರಾಸೈಕಲ್ ವಿಭಾಗ ಎಂಟ್ರಿ ಲೆವೆಲ್ ಕಾರುಗಳು ಹಾಗೂ ತ್ರಿಚಕ್ರ ವಾಹನಗಳ ನಡುವೆ ಕಾಣಿಸಿಕೊಳ್ಳಲಿದೆ.