ಸ್ವಲ್ಪ ತಾಳಿ; ಇನ್ನೇನು ಶುರುವಾಗಲಿದೆ ದಟ್ಸನ್ ಮೇನಿಯಾ

ಗೊ ಹ್ಯಾಚ್‌ಬ್ಯಾಕ್

ಇದು ಪ್ರಮುಖವಾಗಿಯೂ ದೇಶದ ನಂಬರ್ ವನ್ ಕಾರು ಸಂಸ್ಥೆಯಾಗಿರುವ ಮಾರುತಿ ಸುಜುಕಿಯ ಜನಪ್ರಿಯ ಕೆ10 ಮತ್ತು ಹ್ಯುಂಡೈ ಇಯಾನ್ ಆವೃತ್ತಿಗಳಿಗೆ ಪ್ರತಿಸ್ಪರ್ಧಿಯಾಗಿರಲಿದೆ. ಇದು ನಾಲ್ಕು ಲಕ್ಷ ರು.ಗಳ ಒಳಗಡೆ ಗ್ರಾಹಕರ ಕೈಸೇರಲಿದೆ.

ಪ್ಲಸ್ ಪಾಯಿಂಟ್

ಇತರ ನಿಕಟ ಪ್ರತಿಸ್ಪರ್ಧಿಗಳನ್ನು ಹೋಲಿಸಿದರೆ ದಟ್ಸನ್ ಗೊ ಸಕರಾತ್ಮಕ ಅಂಶವೆಂದರೆ ಉತ್ತಮ ಸ್ಥಳಾವಕಾಶ. ಹಾಗೆಯೇ ವಿನ್ಯಾಸ ಕೂಡಾ ಆಕರ್ಷಕವೆನಿಸಿದೆ.

ಡೀಲರುಗಳ ಕೊರತೆ

ಆದರೆ ಮಾರಾಟಕ್ಕಾಗಿ ಡೀಲರುಗಳ ಕೊರತೆ ಕಾಡಲಿದೆ. ಅದೇ ರೀತಿ ಸರ್ವೀಸ್ ಸೆಂಟರ್‌ಗಳ ಕೊರತೆಯನ್ನು ಅನುಭವಿಸುತ್ತಿದೆ. ಹಾಗಿದ್ದರೂ ಆರಂಭದಲ್ಲಿ ನಿಸ್ಸಾನ್‌ನ 150 ಡೀಲರ್‌ಶಿಪ್‌ಗಳ ಮೂಲಕ ಮಾರಾಟವಾಗಲಿದೆ.

ಮಾರಾಟ ಸಮಸ್ಯೆ

ದೇಶದಲ್ಲಿ ಹ್ಯುಂಡೈ ಹಾಗೂ ಮಾರುತಿ ಸಂಸ್ಥೆಗಳು 1000ಕ್ಕೂ ಹೆಚ್ಚು ಪ್ರದರ್ಶನ ಮಳಿಗೆಗಳನ್ನು ಹೊಂದಿದೆ. ಇದು ದಟ್ಸನ್ ಪಾಲಿಗೆ ಹಿನ್ನಡೆಯಾಗಲಿದೆ. ಏನೇ ಆದರೂ ದೆಹಲಿ ಆಟೋ ಎಕ್ಸ್ ಪೋ ಬೆನ್ನಲ್ಲೇ ದಟ್ಸನ್ ಕಾರುಗಳ ಮಾರಾಟ ಆರಂಭವಾಗಲಿದೆ.

ಗೊ ಪ್ಲಸ್ ಎಂಪಿವಿ

ಗೊ ಹ್ಯಾಚ್‌ಬ್ಯಾಕ್ ಕಾರಿನ ತಲಹದಿಯಲ್ಲಿ ನಿಸ್ಸಾನ್ ಮೈಕ್ರಾ ಫ್ಲ್ಯಾಟ್‌ಫಾರ್ಮ್‌ನಲ್ಲಿ ಗೊ ಪ್ಲಸ್ ಎಂಪಿವಿ ವಾಹನವನ್ನು ಸಿದ್ಧಗೊಳಿಸಲಾಗುತ್ತದೆ.

ಸಿಟ್ಟಿಂಗ್ ವ್ಯವಸ್ಥೆ

ನೂತನ ಗೊ ಪ್ಲಸ್ ಎಂಪಿವಿ ಮೂರು ಸಾಲುಗಳ ಸಿಟ್ಟಿಂಗ್ ವ್ಯವಸ್ಥೆಯನ್ನು ಹೊಂದಿದೆ. ಹಾಗಿದ್ದರೂ ಹಿಂದುಗಡೆ ದೊಡ್ಡವರಿಗೆ ಆರಾಮದಾಯಕವಾಗಿ ಕುಳಿತುಕೊಳ್ಳುವುದು ಕಷ್ಟಕರ. ಇದನ್ನು ಮಕ್ಕಳಿಗಾಗಿ ಬಳಕೆ ಮಾಡಬಹುದು.

ಎರ್ಟಿಗಾ ಪ್ರತಿಸ್ಪರ್ಧಿ

ದಟ್ಸನ್ ಗೊ ಪ್ಲಸ್ ಪ್ರಮುಖವಾಗಿಯೂ ಮಾರುತಿಯ ಜನಪ್ರಿಯ ಎರ್ಟಿಗಾ ಆವೃತ್ತಿಯನ್ನು ಟಾರ್ಗೆಟ್ ಮಾಡಲಿದೆ.

ಸ್ಮರ್ಧಾತ್ಮಕ ದರ

ಹಾಗೆಯೇ ಇದರ ಪ್ಲಸ್ ಪಾಯಿಂಟ್ ಏನೆಂದರೆ ಸ್ಮರ್ಧಾತ್ಮಕ ದರದಲ್ಲಿ ಆಗಮಿಸುತ್ತಿರುವುದು. ಮಾರುತಿ ಎರ್ಟಿಗಾ ಬೇಸ್ ವೆರಿಯಂಟ್ ಆರು ಲಕ್ಷ ರು.ಗಿಂತಲೂ ದುಬಾರಿಯಾಗಿದ್ದರೆ ದಟ್ಸನ್ ಗೊ ಪ್ಲಸ್ ಇದಕ್ಕೂ ಕಡಿಮೆ ದರದಲ್ಲಿ ಲಾಂಚ್ ಆಗಲಿದೆ.

ಬಿಡುಗಡೆ

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಗೊ ಹ್ಯಾಚ್‌ಬ್ಯಾಕ್ ಬಿಡುಗಡೆಯ ಒಂದೆರಡು ತಿಂಗಳುಗಳ ಬಳಿಕ ದಟ್ಸನ್ ಗೊ ಪ್ಲಸ್ ಮಾರುಕಟ್ಟೆ ಪ್ರವೇಶಿಸಲಿದೆ.

ಐ2

ಈ ನಡುವೆ ಮೂರನೇ ಕಾನ್ಸೆಪ್ಟ್ ಐ2 ಕಾರನ್ನು ದಟ್ಸನ್ ಈಗಾಗಲೇ ಪ್ರದರ್ಶಿಸಿದೆ. ಎಲ್ಲ ಹೊಸತನದಿಂದ ಕೂಡಿದ ನೂತನ ಫ್ಲ್ಯಾಟ್‌ಫಾರ್ಮ್‌ನಲ್ಲಿ ಅಭಿವೃದ್ಧಿ ಕಾಣಲಿರುವ ನೂತನ ಕಾರು 2ರಿಂದ 3 ಲಕ್ಷ ರು.ಗಳ ಅಸುಪಾಸಿನಲ್ಲಿದೆ.

ಆಲ್ಟೊ ಗಡಗಡ

ಇಲ್ಲಿ ದಟ್ಸನ್ ಇರಾದೆ ಸ್ಪಷ್ಟವಾಗಿದೆ. ಎಂಟ್ರಿ ಲೆವೆಲ್ ಮಾರುಕಟ್ಟೆಯಲ್ಲಿ ಮಾರುತಿ ಆಲ್ಟೊಗೆ ನೇರ ಪ್ರತಿಸ್ಫರ್ಧಿಯಾಗಿರಲಿದೆ. ಹಾಗಿದ್ದರೂ ಇದು 2014 ವರ್ಷಾಂತ್ಯದಲ್ಲಿ ಅಥವಾ 2015 ವರ್ಷಾರಂಭದಲ್ಲಷ್ಟೇ ಆಗಮನವಾಗಲಿದೆ.