2014 ಹ್ಯುಂಡೈ ಸೊಲರಿಸ್ (ವೆರ್ನಾ) ಭರ್ಜರಿ ಲಾಂಚ್

2014 ಹ್ಯುಂಡೈ ಸೊಲರಿಸ್ ಕಾರಿನ ಮುಂಭಾಗದಲ್ಲಿ ಹೆಚ್ಚಿನ ಬದಲಾವಣೆ ಕಂಡುಬಂದಿದೆ. ಇದು ವಿಶಿಷ್ಟ ನೋಟದಿಂದ ಕಂಗೊಳಿಸುತ್ತಿದ್ದು, ಆಧುನಿಕತೆಯನ್ನು ಕಾಯ್ದುಕೊಂಡಿದೆ.

ನೂತನ ಸೊಲರಿಸ್, ಪರಿಷ್ಕೃತ ಹೆಡ್‌ಲೈಟ್, ಪುನರ್ ವಿನ್ಯಾಸಿತ ಫಾಗ್ ಲ್ಯಾಂಪ್ ಮತ್ತು ಡೇಟೈಮ್ ರನ್ನಿಂಗ್ ಲೈಟ್ಸ್ ಪಡೆದುಕೊಂಡಿದೆ. ಒಟ್ಟಾರೆಯಾಗಿ ಬಾಹ್ಯ ಭಾಗದಲ್ಲಿ ಸಂಪೂರ್ಣ ಹೊಸ ನೋಟವನ್ನು ಪಡೆದುಕೊಂಡಿರುತ್ತದೆ.

ಇನ್ನು ಹಿಂದುಗಡೆ ಬ್ರೇಕ್ ಲ್ಯಾಂಪ್, ಎಲ್‌ಇಡಿ ಲೈಟ್ಸ್ ಮತ್ತು ಲೋವರ್ ಬಂಪರ್ ರೂಪದಲ್ಲಿ ಬದಲಾವಣೆ ಕಂಡುಬಂದಿದೆ.

ಆದರೆ ಗಮನಾರ್ಹವೆಂದರೆ ಕಾರಿನ ಇಂಟಿರಿಯರ್ ಭಾಗಗಳಲ್ಲಿ ಯಾವುದೇ ವ್ಯತ್ಯಾಸ ಕಂಡುಬಂದಿಲ್ಲ.

ಇನ್ನು ತಾಂತ್ರಿಕವಾಗಿಯೂ ಎಂಜಿನ್ ಮಾನದಂಡಗಳಲ್ಲೂ ಬದಲಾವಣೆಗಳಿಲ್ಲ. ಇದು 1.4 ಲೀಟರ್ ಮತ್ತು 1.6 ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಇಲ್ಲಿ ಭಾರತ ವರ್ಷನ್ 1.6 ಲೀಟರ್ ಪೆಟ್ರೋಲ್ ಎಂಜಿನ್ 6 ಸ್ಪೀಡ್ ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಸಹ ಪಡೆಯುವ ಸಾಧ್ಯತೆಯಿದೆ.

ಅಂತಿಮವಾಗಿ 2014 ಹ್ಯುಂಡೈ ಸೊಲರಿಸ್ ರಷ್ಯಾದಲ್ಲಿ 8 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ. ಇನ್ನು ಭಾರತದಲ್ಲಿ ಕಳೆದ ವರ್ಷದ ವರೆಗೂ ಅತ್ಯುತ್ತಮ ಸೆಡಾನ್ ಕಾರೆನಿಸಿಕೊಂಡಿದ್ದ ಹ್ಯುಂಡೈ ವೆರ್ನಾ ಸವಾಲನ್ನು ಹೊಸ ಹೋಂಡಾ ಸಿಟಿ ಮೆಟ್ಟಿ ನಿಂತಿತ್ತು. ಇದೀಗ ಆಗಮನವಾಗಲಿರುವ ಫೇಸ್‌ಲಿಫ್ಟ್ ವರ್ಷನ್ ಇದಕ್ಕೆ ಉತ್ತರವಾಗಲಿದೆ.

ಭಾರತದಲ್ಲಿ ಈ ಬಹುನಿರೀಕ್ಷಿತ ಕಾರು ವರ್ಷಾಂತ್ಯದಲ್ಲಿ ಅಥವಾ 2015 ವರ್ಷಾರಂಭದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.