ಕೈಗೆಟುವ ದರಗಳಲ್ಲಿ ಹೈಬ್ರಿಡ್ ಕಾರು ಲಾಂಚ್ ಮಾಡಲಿರುವ ಮಾರುತಿ

ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ಇನ್ನು ಕೆಲವೇ ದಿನಗಳಲ್ಲಿ ಸಿಯಾಝ್ ಸೆಡಾನ್ ಕಾರನ್ನು ಬಿಡುಗಡೆ ಮಾಡಲಿದೆ. ಈ ಬಹುನಿರೀಕ್ಷಿತ ಕಾರು ಮುಂಬರುವ ಹಬ್ಬದ ಆವೃತ್ತಿಯ ಸುಸಂದರ್ಭದಲ್ಲಿ ಮಾರುಕಟ್ಟೆಗೆ ಎಂಟ್ರಿ ಕೊಡುವುದು ಖಚಿತವಾಗಿದೆ.

ಪರಿಸರ ಸಂರಕ್ಷಣೆಯಲ್ಲೂ ತನ್ನ ಗಮನ ಕೇಂದ್ರಿಕರಿಸಿರುವ ಮಾರುತಿ ಭವಿಷ್ಯದ ಸಂಚಾರ ವಾಹನ ಅಭಿವೃದ್ಧಿಪಡಿಸುವುದರಲ್ಲಿ ನಿರಂತರ ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದೆ.

125 ಕೋಟಿಗಿಂತಲೂ ಹೆಚ್ಚು ಜನಸಂಖ್ಯೆ ಹೊಂದಿರುವ ಭಾರತದಲ್ಲಿ ವಾಹಗಳಿಗಾಗಿ ಅತಿ ಹೆಚ್ಚು ಇಂಧನ ವ್ಯಯವಾಗುತ್ತಿದೆ. ಹಾಗೊಂದು ವೇಳೆ ದೇಶದಲ್ಲಿ ಹೈಬ್ರಿಡ್ ಕಾರುಗಳ ಪರಿಚಯವಾದ್ದಲ್ಲಿ ಇಂಧನ ಬಳಕೆ ಕಡಿಮೆಯಾಗಲಿದೆ. ನಿಸ್ಸಂಶಯವಾಗಿಯೂ ಮಾರುತಿ ಹೈಬ್ರಿಡ್ ಕಾರುಗಳು ಮಾರುಕಟ್ಟೆ ತಲುಪಲು ಇನ್ನು ನಾಲ್ಕೈದು ವರ್ಷಗಳೇ ಬೇಕಾದಿತ್ತು.