ಮುಂದಿನ ವರ್ಷ ಆಡಿಯಿಂದ 10 ಹೊಸ ಮಾದರಿಗಳ ಬಿಡುಗಡೆ

ಜರ್ಮನಿಯ ಐಷಾರಾಮಿ ವಾಹನ ತಯಾರಿಕ ಸಂಸ್ಥೆಯಾಗಿರುವ ಆಡಿ, 2015ನೇ ಸಾಲಿನಲ್ಲಿ 10 ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ. ಈ ಮೂಲಕ ದೇಶದ ಪ್ರೀಮಿಯಂ ಕಾರುಗಳ ಮಾರುಕಟ್ಟೆಯಲ್ಲಿ ಅಗ್ರಸ್ಥಾನವನ್ನು ಕಾಯ್ದುಕೊಳ್ಳುವ ನಿರೀಕ್ಷೆ ಹೊಂದಿದೆ.

ಜರ್ಮನಿ ಮೂಲದವರೇ ಆಗಿರುವ ಮರ್ಸಿಡಿಸ್ ಬೆಂಝ್ ಹಾಗೂ ಬಿಎಂಡಬ್ಲ್ಯುಗಳಂತಹ ಅಗ್ರ ವಾಹನ ತಯಾರಿಕ ಸಂಸ್ಥೆಗಳಿಂದ ಎದುರಾಗಿರುವ ಪೈಪೋಟಿಯನ್ನು ಗಮನಿಸಿರುವ ಆಡಿ ಇನ್ನು ಹೆಚ್ಚಿನ ಮಾದರಿಗಳತ್ತ ಗಮನ ಹರಿಸಿದೆ.

ಅಂದ ಹಾಗೆ ನವೆಂಬರ್ ತಿಂಗಳಲ್ಲಿ 10,000 ಯುನಿಟ್‌ಗಳ ಮಾರಾಟ ಕಾಯ್ದುಕೊಂಡಿದ್ದ ಆಡಿ ಸುಸ್ಥಿರ ಬೆಳವಣಿಗೆಯನ್ನು ಕಾಯ್ದುಕೊಂಡಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ 10,003 ಯುನಿಟ್ ಮಾರಾಟ ಕಂಡುಕೊಂಡಿತ್ತು.

ಪ್ರಸ್ತುತ ದೇಶದಲ್ಲಿ 17 ಮಾದರಿಗಳನ್ನು ಮಾರಾಟ ಮಾಡುತ್ತಿರುವ ಆಡಿ ಮುಂದಿನ ವರ್ಷ ಆರ್8 ಎಲ್‌ಎಂಎಕ್ಸ್ ಮತ್ತು ಟಿಟಿ ಮಾದರಿಗಳನ್ನು ಬಿಡುಗಡೆ ಮಾಡಲಿದೆ. ಇದು ಆಡಿ ಯೋಜನೆಯ 10 ಮಾದರಿಗಳ ಭಾಗಿಯಾಗಿರಲಿದೆ.