ಆಡಿ, ಬೆಂಝ್ ಮಾರಾಟವನ್ನು ಹಿಮ್ಮೆಟ್ಟಿಸಿದ ಬಿಎಂಡಬ್ಲ್ಯು

ಎಲ್ಲ ಮೂರು ಸಂಸ್ಥೆಗಳು ಜರ್ಮನಿ ಮೂಲದವರಾಗಿರಬಹುದು. ಆದರೆ ಮಾರಾಟ ವಿಚಾರದಲ್ಲಿ ಸದಾ ಒಂದಕ್ಕಿಂತ ಒಂದು ಮೇಲುಗೈ ಸಾಧಿಸುವ ಪ್ರಯತ್ನ ನಡೆಯುತ್ತಲೇ ಇದೆ.

ಇದೇ ಕಾರಣಕ್ಕಾಗಿ ಮರ್ಡಿಡಿಸ್ ಬೆಂಝ್, ಬಿಎಂಡಬ್ಲ್ಯು ಮತ್ತು ಆಡಿ ಐಷಾರಾಮಿ ಕಾರು ತಯಾರಕ ಸಂಸ್ಥೆಗಳ ನಡುವೆ ನಿಕಟ ಪೈಪೋಟಿ ಏರ್ಪಟ್ಟಿದೆ.

2014 ಸಾಲಿನಲ್ಲಿ ಈ ವರೆಗೆ ಅಂದರೆ ಮೊದಲ ಒಂಬತ್ತು ತಿಂಗಳಲ್ಲಿ ಬಿಎಂಡಬ್ಲ್ಯು ಶೇಕಡಾ 9.1 ರಷ್ಟು ಮಾರಾಟ ಏರಿಕೆ (1.32 ದಶಲಕ್ಷ) ದಾಖಲಿಸಿದೆ. ಅಲ್ಲದೆ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲೂ ಇದೇ ಪ್ರದರ್ಶನ ಮುಂದುವರಿಸುವ ಸಾಧ್ಯತೆಯಿದೆ ಎಂದು ಆಟೋ ವಲಯಗಳು ತಿಳಿಸಿದೆ.