ವೇತನ ಪರಿಷ್ಕೃರಣೆ; ಮುಷ್ಕರ ಆರಂಭಿಸಿದ ಬಾಷ್ ನೌಕರರು

ಜರ್ಮನಿಯ ಪ್ರಮುಖ ವಾಹನ ಬಿಡಿಭಾಗ ತಯಾರಕ ಸಂಸ್ಥೆಯಾಗಿರುವ ಬಾಷ್, ಜಗತ್ತಿನ ಹಲವು ರಾಷ್ಟ್ರಗಳ ವಾಹನ ಘಟಕಗಳ ಬೇಡಿಕೆಗಳಿಗೆ ಆಸರೆಯಾಗಿದೆ. ಅಷ್ಟೇ ಅಲ್ಲದೆ ವಾಹನಗಳಲ್ಲಿ ಬಳಕೆಯಾಗುತ್ತಿರುವ ಸ್ಪಾರ್ಕ್ ಪ್ಲಗ್ ಮತ್ತು ಫ್ಲೂಯಲ್ ಇಂಜೆಕ್ಷನ್ ಪಂಪ್ ನಿರ್ಮಾಣದ ಮುಂಚೂಣಿಯ ಸಂಸ್ಥೆಯು ಇದಾಗಿದೆ.

ಭಾರತದಲ್ಲಿ ಮಹಾರಾಷ್ಟ್ರ, ರಾಜಸ್ತಾನ ಮತ್ತು ಕರ್ನಾಟಕ (ಎರಡು ಘಟಕ) ರಾಜ್ಯಗಳಲ್ಲಾಗಿ ಒಟ್ಟು ನಾಲ್ಕು ಘಟಕಗಳನ್ನು ಹೊಂದಿರುವ ಬಾಷ್ ಸಂಸ್ಥೆಯು ಇದೀಗ ನೌಕರರ ಮುಷ್ಕರ ಸಮಸ್ಯೆ ಎದುರಿಸುತ್ತಿದೆ.

ಬಾಷ್ ಸಂಸ್ಥೆಯ ಪ್ರಕಾರ, ವಿನಾ ಕಾರಾ ನೌಕರರು ವೇತನ ಹೆಚ್ಚಳಕ್ಕೆ ಬಯಸುತ್ತಿದ್ದಾರೆ. ಇದು ಕಾನೂನುಬದ್ಧ ಹಾಗಾಗಿ ಮುಷ್ಕರವನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎಂದಿದೆ.

ಎರಡು ವಾರಗಳ ಮುಂಚಿತವಾಗಿ ಬಾಷ್ ಇಂಡಿಯಾ ನೌಕರರು ಮುಷ್ಕರ ಹೂಡುವುದಾಗಿ ಎಚ್ಚರಿಸಿದ್ದರು. ಇದರಂತೆ ವೇತನ ಪರಿಷ್ಕರಣೆಗೆ ಸಂಬಂಧಿಸಿದಂತೆ ಮುಷ್ಕರ ಆರಂಭಿಸಿದ್ದಾರೆ.