ಕಡಿಮೆ ಶಕ್ತಿಶಾಲಿ ಡುಕಾಟಿ ಮೊನಸ್ಟರ್ 821 ಅನಾವರಣ

ಇಟಲಿ ಮೂಲದ ಪ್ರತಿಷ್ಠಿತ ಶಕ್ತಿಶಾಲಿ ಬೈಕ್ ತಯಾರಕ ಸಂಸ್ಥೆಯಾಗಿರುವ ಡುಕಾಟಿ ನೂತನ ಮೊನಸ್ಟರ್ 821 ಬೈಕ್ ಅನಾವರಣಗೊಳಿಸಿದೆ. ಮಿಡ್ ರೇಂಜ್ ಬೈಕ್‌ಗಳನ್ನು ಪರಿಚಯಿಸುವ ಮೂಲಕ ದರ ಕಡಿತಗೊಳಿಸುವ ಭಾಗವಾಗಿ ನೂತನ ಬೈಕ್ ಅನಾವರಣವಾಗಿದೆ.

ಸಹಜವಾಗಿಯೇ ಸ್ವಲ್ಪ ಅಗ್ಗದ ಡುಕಾಟಿ ಬೈಕ್ ಆಗಿರುವ ಡುಕಾಟಿ 821, ಕಡಿಮೆ ಶಕ್ತಿಶಾಲಿ ಎನಿಸಿಕೊಳ್ಳಲಿದೆ. ಇದು 821 ಸಿಸಿ ಟೆಸ್ಟಾಸ್ಟ್ರೆಟ್ಟಾ 11 ಡಿಗ್ರಿ ಎಂಜಿನ್‌ನಿಂದ ನಿಯಂತ್ರಿಸ್ಪಡಲಿದ್ದು, 112 ಅಶ್ವಶಕ್ತಿ (89.34 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ.

ಹಾಗಿದ್ದರೂ ಸುರಕ್ಷತೆಯ ವಿಚಾರದಲ್ಲಿ ಡುಕಾಟಿ ಯಾವುದೇ ರಾಜಿಗೂ ತಯಾರಾಗಿಲ್ಲ. ಇದು ಎಂಟು ವಿಧದ ಹೊಂದಾಣಿಸಬಹುದಾದ ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಂ, ಮೂರು ಹಂತದ ಆಂಟಿ ಲಾಕಿಂಗ್ ಬ್ರೇಕಿಂಗ್ ಸಿಸ್ಟಂ ಹಾಗೂ ಮೂರು ಹಂತದ ಆರ್‌ಬಿಡಬ್ಲ್ಯು ರೈಡಿಂಗ್ ಮೋಡ್ ವ್ಯವಸ್ಥೆಯನ್ನು ಹೊಂದಿರುತ್ತದೆ. ಅಂದ ಹಾಗೆ ಜುಲೈ ತಿಂಗಳಲ್ಲಿ ಅಮೆರಿಕ ಮಾರುಕಟ್ಟೆ ಪ್ರವೇಶಿಸಲಿರುವ ಹೊಸ ಡುಕಾಟಿ ದರ ಮಾಹಿತಿ ಬಿಡುಗಡೆ ವೇಳೆಯಷ್ಟೇ ತಿಳಿದು ಬರಲಿದೆ.