ಸಿಟಿ, ಅಮೇಜ್ ಸೇಲ್ಸ್; ಹೋಂಡಾ ಮಾರಾಟ ವೃದ್ಧಿ

ದೇಶೀಯ ಮಾರುಕಟ್ಟೆಯಲ್ಲಿ ಉತ್ತಮ ನಿರ್ವಹಣೆ ಕಾಯ್ದುಕೊಳ್ಳುವಲ್ಲಿ ಹೋಂಡಾ ಕಾರ್ಸ್ ಇಂಡಿಯಾ ಯಶಸ್ವಿಯಾಗಿದೆ. ಹೋಂಡಾ ಸಿಟಿ ಹಾಗೂ ಅಮೇಜ್ ಮಾದರಿಗಳ ಭರ್ಜರಿ ಪ್ರದರ್ಶನದ ನೆರವಿನೊಂದಿಗೆ ಜಪಾನ್ ಮೂಲದ ಈ ವಾಹನ ತಯಾರಕ ಸಂಸ್ಥೆಯು 2014 ಎಪ್ರಿಲ್ ತಿಂಗಳ ಮಾರಾಟದಲ್ಲಿ ಶೇಕಡಾ 30 ರಷ್ಟು ಮಾರಾಟ ವೃದ್ಧಿ ದಾಖಲಿಸುವಲ್ಲಿ ಯಶಸ್ವಿಯಾಗಿದೆ.

2014 ಎಪ್ರಿಲ್ ತಿಂಗಳ ಅವಧಿಯಲ್ಲಿ ಸಂಸ್ಥೆಯು 11,040 ಯುನಿಟ್ ಕಾರುಗಳ ಮಾರಾಟ ಕಂಡುಕೊಂಡಿವೆ. ಕಳೆದ ವರ್ಷವಿದು 8,488 ಯುನಿಟ್‌ಗಳಾಷ್ಟಗಿತ್ತು. ಈ ಮೂಲಕ ಕಠಿಣ ಮಾರುಕಟ್ಟೆ ಪರಿಸ್ಥಿತಿಯಲ್ಲೂ ಹೋಂಡಾ ಮಾದರಿಗಳು ಬೇಡಿಕೆ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಹೋಂಡಾ ಪಾಲಿಗೆ ಅತ್ಯಂತ ಹೆಚ್ಚು ಯಶಸ್ಸು ತಂದುಕೊಟ್ಟಿರುವುದು ಸಿಟಿ ಮಾದರಿಯಾಗಿದೆ. ಎಪ್ರಿಲ್ ಅವಧಿಯಲ್ಲಿ 7,044 ಯುನಿಟ್ ಸಿಟಿ ಮಾದರಿಗಳು ಮಾರಾಟವಾಗಿದ್ದರೆ, ಅಮೇಜ್ 3,355, ಬ್ರಿಯೊ 5,78 ಹಾಗೂ ಸಿಆರ್‌-ವಿ 63 ಯುನಿಟ್‌ಗಳಷ್ಟು ಸೇಲಾಗಿವೆ. ಈ ಮೂಲಕ ಒಟ್ಟು 11,442 ಯುನಿಟ್‌ಗಳ ಮಾರಾಟ ಕಂಡುಕೊಂಡಿದೆ.