ಪ್ಯಾರಿಸ್ ಶೋದಲ್ಲಿ ಹೋಂಡಾ ಸಿವಿಕ್ ಟೈಪ್ ಆರ್ ಕಾನ್ಸೆಪ್ಟ್ ಜಲಕ್

ಬಹುನಿರೀಕ್ಷಿತ 2014 ಪ್ಯಾರಿಸ್ ಆಟೋ ಶೋ ಅಂಗವಾಗಿ ನೂತನ ಸಿವಿಕ್ ಟೈಪ್ ಆರ್ ಮಾದರಿಯ ಪ್ರಾಥಮಿಕ ಮಾಹಿತಿಗಳನ್ನು ಜಪಾನ್ ಮೂಲದ ದೈತ್ಯ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ ಬಯಲು ಮಾಡಿದೆ.

2014 ಪ್ಯಾರಿಸ್ ಆಟೋ ಶೋ ಅಕ್ಟೋಬರ್ ಮೊದಲ ವಾರದಲ್ಲಿ ಪ್ರದರ್ಶನ ಕಾಣಲಿದೆ. ಇದೇ ಸಂದರ್ಭದಲ್ಲಿ ಹೋಂಡಾದ ಹೊಸ ಸಿವಿಕ್ ಆರ್ ಟೈಪ್ ಯುರೋಪ್ ಮಾದರಿಯು ಪ್ರದರ್ಶನ ಕಾಣಲಿದೆ.

ಹೊಸ ಸಿವಿಕ್ ಟೈಪ್ ಆರ್ ಮಾದರಿಯಲ್ಲಿ ಇದೇ ಮೊದಲ ಬಾರಿಗೆ ಪ್ಲಸ್ ಆರ್ ಮೋಡ್ ಲಭ್ಯವಿರಲಿದೆ. ಇದು ನಾಲ್ಕು ವಿಧಗಳಲ್ಲಿ ಚಾಲನೆಯನ್ನು ಹೊಂದಾಣಿಸುವ ತಂತ್ರಗಾರಿಕೆ ಪಡೆಯಲಿದೆ. ಇದರ ಪ್ಲಸ್ ಆರ್ ಮೋಡ್ ಚಾಲಕರಿಗೆ ರೇಸಿಂಗ್ ಕಾರು ಚಾಲನೆ ಮಾಡಿದ ಅನುಭವ ನೀಡಲಿದೆ.