ಹೋಂಡಾ ಮೊಬಿಲಿಯೊ ಆರ್‌ಎಸ್ ವರ್ಷನ್ ಬಿಡುಗಡೆ

ಭಾರತದಲ್ಲೇ ಇನ್ನಷ್ಟೇ ಬಿಡುಗಡೆಯಾಗಬೇಕಾಗಿರುವ ಹೋಂಡಾ ಮೊಬಿಲಿಯೊ ಮಲ್ಟಿ ಪರ್ಪಸ್ ವೆಹಿಕಲ್ ಇಂಡೋನೇಷ್ಯಾದಲ್ಲಿ ಉತ್ತಮ ಪ್ರತಿಕ್ರಿಯೆ ಗಿಟ್ಟಿಸಿಕೊಂಡಿದ್ದು, ಈಗಾಗಲೇ 35,000ಕ್ಕೂ ಹೆಚ್ಚು ಯುನಿಟ್‌ಗಳು ಮಾರಾಟವಾಗಿದೆ.

ಇದರಿಂದ ಪುಳಕಿತಗೊಂಡಿರುವ ಜಪಾನ್ ಮೂಲದ ದೈತ್ಯ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ, ಅತ್ಯಾಕರ್ಷಕ ಸ್ಪೋರ್ಟಿ ಮೊಬಿಲಿಯೊ ಆರ್‌ಎಸ್ ವರ್ಷನ್ ಅನ್ನು ಇಂಡೋನೇಷ್ಯಾಗೆ ಪರಿಚಯಿಸಿದೆ. ಇದು ಹೋಂಡಾ ಮೊಬಿಲಿಯೊ ಮಾದರಿ ಮಾರಾಟ ವೇಗವನ್ನು ಇನ್ನಷ್ಟು ಹೆಚ್ಚಿಸಲಿದೆ.

ಅಂದ ಹಾಗೆ ಹೋಂಡಾ ಮೊಬಿಲಿಯೊ ಆರ್‌ಎಸ್ ವರ್ಷನ್ ಇಂಡೋನೇಷ್ಯಾದಲ್ಲಿ ಅನುಕ್ರಮವಾಗಿ 10.76 (ಸಿವಿಟಿ) ಹಾಗೂ 10.23 ಲಕ್ಷ ರು.ಗಳಷ್ಟು (5 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್) ದುಬಾರಿಯೆನಿಸಲಿದೆ. ಇನ್ನೊಂದೆಡೆ ಭಾರತದ ಗ್ರಾಹಕರು ಈ ಬಹುನಿರೀಕ್ಷಿತ ಕಾರಿನ ಭಾರತ ಎಂಟ್ರಿಯನ್ನು ಕಾದು ನೋಡುತ್ತಿದ್ದಾರೆ.