ಹೈಬ್ರಿಡ್, ಎಲೆಕ್ಟ್ರಿಕ್ ವಾಹನಗಳಿಗೆ 12 ಲಕ್ಷ ವರೆಗೂ ಸಬ್ಸಿಡಿ

'ರಾಷ್ಟ್ರೀಯ ಎಲೆಕ್ಟ್ರಿಕ್ ಮೊಬಿಲಿಟಿ ಮಿಷನ್ ಯೋಜನೆ 2020' ಅಂಗವಾಗಿ ಎಲೆಕ್ಟ್ರಿಕ್ ಹಾಗೂ ಹೈಬ್ರಿಡ್ ಕಾರುಗಳಿಗೆ ರು. 12 ಲಕ್ಷ ವರೆಗೂ ಸಬ್ಸಿಡಿ ದೊರಕಲಿದೆ. ಇವೆಲ್ಲಕ್ಕೂ ಕೇಂದ್ರದಲ್ಲಿ ನೂತನ ಸರಕಾರ ಅಧಿಕಾರ ಗದ್ದುಗೇರಬೇಕಾಗಿದೆ.

ಬೃಹತ್ ಕೈಗಾರಿಕೋದ್ಯಮ ಸಚಿವಾಲಯ ಹಾಗೂ ವಾಹನೋದ್ಯಮ ವರದಿಗಳ ಪ್ರಕಾರ ಎಲೆಕ್ಟ್ರಿಕ್ ಹಾಗೂ ವಿದ್ಯುತ್ ಚಾಲಿತ ವಾಹನಗಳಿಗೆ ರು. 8000ರಿಂದ ಪ್ರಾರಂಭಇಸಿ 12 ಲಕ್ಷ ರು.ಗಳ ವರೆಗೆ ಸಬ್ಸಿಡಿ ಲಭಿಸಲಿದೆ.

ಅದೇ ಹೊತ್ತಿಗೆ ಹೈಬ್ರಿಡ್ ಬಸ್ಸುಗಳಿಗೆ ರು. 12 ಲಕ್ಷ ವರೆಗೆ ಸಬ್ಸಿಡಿ ದೊರಕಲಿದೆ. ಅಂತೆಯೇ ಹಗುರ ವಾಣಿಜ್ಯ ವಾಹನಗಳು ರು. 1 ಲಕ್ಷ ವರೆಗೂ ಸಬ್ಸಿಡಿ ಪಡೆಯಲಿದೆ. ಆದರೆ ಸಬ್ಸಿಡಿಯ ನೈಜ ಪ್ರಯಾಣವು ಆ ನಿರ್ದಿಷ್ಟ ಹೈಬ್ರಿಡ್ ಅಥವಾ ಎಲೆಕ್ಟ್ರಿಕ್ ಕಾರಿನ ದರ ಹಾಗೂ ಬ್ಯಾಟರಿ ಅವಲಂಬಿಸಿರಲಿದೆ.

ಈ ಸಂಬಂಧ ಬೃಹತ್ ಕೈಗಾರಿಕೋದ್ಯಮ ಸಚಿವಾಲಯವು ಕೇಂದ್ರ ಸರಕಾರಕ್ಕೆ ವರದಿಯನ್ನು ಸಲ್ಲಿಸಿದ್ದು, ಸಂಪುಣ ಸಚಿವಾಲಯದ ಅಂತಿಮ ಅನುಮೋದನೆಗಾಗಿ ಕಾಯುತ್ತಿದೆ. ಇದು ಮಹೀಂದ್ರ ರೇವಾಗಳಂತಹ ಸಂಸ್ಥೆಗಳಿಗೆ ಎಲೆಕ್ಟ್ರಿಕ್ ವಾಹನಗಳನ್ನು ಇನ್ನಷ್ಟು ಉತ್ಪಾದಿಸಲು ಪ್ರೋತ್ಸಾಹಿಸಲಿದೆ.