3,000 ಬುಕ್ಕಿಂಗ್ ದಾಟಿದ ಲಂಬೋರ್ಗಿನಿ ಹ್ಯುರಕನ್

ಗಲರ್ಡೊ ಸ್ಥಾನವನ್ನು ತುಂಬಿಕೊಂಡಿರುವ ಲಂಬೋರ್ಗಿನಿ ಹ್ಯುರಕನ್ ಬಿಡುಗಡೆಯಾದ 10 ತಿಂಗಳಲ್ಲೇ 3,000ದಷ್ಟು ಬುಕ್ಕಿಂಗ್ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ ಎಂದು ವರದಿಗಳು ತಿಳಿಸಿವೆ.

ಆಧುನಿಕ ತಂತ್ರಜ್ಞಾನ ಹಾಗೂ ಅದ್ಭುತ ನೋಟ ಪಡೆದಿರುವ ಹ್ಯುರಕನ್ ಎಲ್‌ಪಿ610-4 ಎಲ್ಲ ದೃಷ್ಟಿಕೋನದಿಂದಲೂ ಪ್ರೀಮಿಯಂ ಕಾರುಗಳ ವಿಭಾಗದಲ್ಲಿ ಹೊಸ ಸಂಚಲನ ಮೂಡಿಸಿದೆ.

ಈ ಪೈಕಿ ಅಮೆರಿಕದಲ್ಲಿ 1,000ದಷ್ಟು ಯುನಿಟ್‌ಗಳನ್ನು ಗ್ರಾಹಕರಿಗೆ ಹಸ್ತಾಂತರಿಸಲಾಗಿದೆ. ಅಮೆರಿಕದಲ್ಲಿ ಹ್ಯುರಕನ್ ಯಶಸ್ಸು ಅನಿರೀಕ್ಷಿತವಾಗಿತ್ತು ಎಂದು ಸಂಸ್ಥೆ ತಿಳಿಸಿದೆ.

2013ನೇ ಸಾಲಿಗೆ ಹೋಲಿಸಿದಾಗ ಮಾರಾಟದಲ್ಲೂ ಶೇಕಡಾ 50ರಷ್ಟು ಏರಿಕೆ ಸಾಧಿಸಿದೆ. ಅಂತೆಯೇ 2014ರ ವರ್ಷಾಂತ್ಯದ ವೇಳೆಗೆ 3,600 ಯುನಿಟ್ ಮಾರಾಟ ಮಾಡುವುದು ಗುರಿಯಾಗಿದೆ.