ಮಹೀಂದ್ರಗೂ ತಟ್ಟಿದ ಕಾರ್ಮಿಕ ಮುಷ್ಕರ ಬಿಸಿ

ಟೊಯೊಟಾ ಕಿರ್ಲೊಸ್ಕರ್ ಇಂಡಿಯಾ ಹಾಗೂ ಬಜಾಜ್ ಆಟೋ ಬೆನ್ನಲ್ಲೇ ಮಹೀಂದ್ರ ಆಂಡ್ ಮಹೀಂದ್ರದಲ್ಲೂ ಕಾರ್ಮಿಕ ಸಮಸ್ಯೆ ಭುಗಿಲೆದ್ದಿದೆ. ಬಲ್ಲ ಮೂಲಗಳ ಪ್ರಕಾರ ದೇಶದಲ್ಲಿ ಅತ್ಯಂತ ಹೆಚ್ಚು ಟ್ರಾಕ್ಟರ್ ಉತ್ಪಾದನೆಯನ್ನು ಹೊಂದಿರುವ ಮಹೀಂದ್ರದ ಘಟಕದಲ್ಲಿ ಕಾರ್ಮಿಕ ಮುಷ್ಕರದ ಬಿಸಿ ತಟ್ಟಿದೆ.

ಪಂಜಾಬ್‌ನ ಮೊಹಲಿಯಲ್ಲಿ ಸ್ಥಿತಗೊಂಡಿರುವ ಟ್ರಾಕ್ಟರ್ ತಯಾರಿಕ ಘಟಕದಲ್ಲಿ ಕೆಲವು ಕಾರ್ಮಿಕರು ಕೆಲಸಕ್ಕೆ ಹಾಜರಾಗುತ್ತಿಲ್ಲ ಎಂಬ ಮಾಹಿತಿಯಿದೆ. ಹಾಗಿದ್ದರೂ ಇದು ಪೂರ್ಣ ಪ್ರಮಾಣದ ಕಾರ್ಮಿಕ ಸಂಘಟನೆಯ ಮುಷ್ಕರವಲ್ಲ.

ಒಟ್ಟಿನಲ್ಲಿ ಬೇಕಾದಷ್ಟು ಕೆಲಸಗಾರರು ಕಾರ್ಯನಿರತರಾಗಿರುವುದರಿಂದ ಮಹೀಂದ್ರ ಟ್ರಾಕ್ಟರ್ ಉತ್ಪಾದನೆಯಲ್ಲಿ ಮಾತ್ರ ಇದುವರೆಗೆ ಯಾವುದೇ ತೊಂದರೆಗಳು ಉಂಟಾಗಿಲ್ಲ. ಈ ಮೂಲಕ ದೈನಂದಿನ ನಿರ್ಮಾಣ ಗುರಿಯನ್ನು ತಲುಪುವಲ್ಲಿ ಯಶ ಕಂಡಿದೆ.