25 ಲಕ್ಷ ದಾಟಿದ ಮಾರುತಿ ಕೆ-ಸಿರೀಸ್ ಎಂಜಿನ್ ಮಾರಾಟ

Four Wheelers

oi-Nagaraja

By Nagaraja

Published: Saturday, August 16, 2014, 10:35 [IST]

ದೇಶದ ಅತಿ ದೊಡ್ಡ ವಾಹನ ಮಾರುಕಟ್ಟೆ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ, ತನ್ನ ಕೆ ಸಿರೀಸ್ ಉತ್ಪಾದನೆಯು 25 ಲಕ್ಷ ಯುನಿಟ್‌ಗಳ ಮೈಲುಗಲ್ಲನ್ನು ತಲುಪಿರುವುದಾಗಿ ಅಧಿಕೃತವಾಗಿ ಘೋಷಿಸಿದೆ.

2008ನೇ ಇಸವಿಯಲ್ಲಿ ಎ ಸ್ಟಾರ್ ಆವೃತ್ತಿಯಲ್ಲಿ ಪರಿಚಯವಾಗಿದ್ದ ಕೆ ಸಿರೀಸ್ ಎಂಜಿನ್ ಬಳಿಕ ಜನಪ್ರಿಯ ಆಲ್ಟೊ ಕೆ10, ಸೆಲೆರಿಯೊ, ವ್ಯಾಗನಾರ್ ಮತ್ತು ಸ್ವಿಫ್ಟ್‌ಗಳಂತಹ ಮಾದರಿಗಳಲ್ಲಿ ಆಳವಡಿಕೆಯಾಗಿತ್ತು.

ಈ ಬಗ್ಗೆ ಹೇಳಿಕೆ ಕೊಟ್ಟಿರುವ ಮಾರುತಿ ಕಾರ್ಯನಿರ್ವಾಹಕ ನಿರ್ದೇಶಕರಾಗಿರುವ ಸಿವಿ ರಾಮ್, ಕೆ-ಸಿರೀಸ್ ದೇಶದ ಅತ್ಯಂತ ಹೆಚ್ಚು ಇಂಧನ ಕ್ಷಮತೆಯುಳ್ಳ ಎಂಜಿನ್ ಆಗಿದೆ ಎಂದಿದ್ದಾರೆ.

ಅಲ್ಲದೆ ಮುಂದಿನ ದಿನಗಳಲ್ಲಿ ಇನ್ನಷ್ಟು ಹೆಚ್ಚು ಇಂಧನ ಕ್ಷಮತೆ ನೀಡುವ ಹಾಗೂ ಎಮಿಷನ್ ಮಟ್ಟ ಕಡಿತಗೊಳಿಸುವ ನಿಟ್ಟಿನಲ್ಲಿ ಎಂಜಿನ್ ಪರಿಷ್ಕೃತಲಾಗುವುದು ಎಂದಿದ್ದಾರೆ.

ಇನ್ನು ಜುಲೈ ಮಾರಾಟವನ್ನು ಗಮನಿಸಿದರೆ ಮಾರುತಿ ಕಳೆದ ವರ್ಷಗಳಿಗಿಂತಲೂ ಶೇಕಡಾ 14.7 ಏರುಗತಿ ದಾಖಲಿಸಿತ್ತಲ್ಲದೆ ಒಟ್ಟು 4,01,274 ಮಾರಾಟ ಕಂಡುಕೊಂಡಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ 349733 ಯುನಿಟ್ ಮಾರಾಟ ದಾಖಲಿಸಿತ್ತು.