2015ರಿಂದ ಮಾರುತಿಯಿಂದಲೂ ವಾಣಿಜ್ಯ ವಾಹನ ಮಾರಾಟ

ದೇಶದ ಅತಿ ದೊಡ್ಡ ಹಾಗೂ ನಂ.1 ಕಾರು ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ, ನಿಕಟ ಭವಿಷ್ಯದಲ್ಲೇ ವಾಣಿಜ್ಯ ವಿಭಾಗ ಮಾರುಕಟ್ಟೆಗೂ ಪ್ರವೇಶ ಪಡೆಯಲಿದ್ದು, 2015ನೇ ಸಾಲಿನಿಂದ ಕಮರ್ಷಿಯಲ್ ಟ್ರಕ್‌ಗಳನ್ನು ಮಾರಾಟ ಮಾಡಲಿದೆ ಎಂದು ಮೂಲಗಳು ತಿಳಿಸಿವೆ.

ದೇಶಿಯ ಕಾರು ಮಾರಾಟದಲ್ಲಿ ಶೇಕಡಾ 40ಕ್ಕಿಂತಲೂ ಹೆಚ್ಚು ಶೇರುಗಳನ್ನು ಹೊಂದಿರುವ ಮಾರುತಿಯಿಂದ ಇಂದೊಂದು ನಿರೀಕ್ಷಿತ ನಡೆಯಾಗಿದೆ. ಈ ಮೂಲಕ ಇತರ ವಾಹನ ಸೆಗ್ಮೆಂಟ್‌ಗಳತ್ತವೂ ಮಾರುತಿ ಗಮನ ಕೇಂದ್ರಿತವಾಗುತ್ತಿದೆ. ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ಹ್ಯುಂಡೈಗಳಂತಹ ಸಂಸ್ಥೆಗಳಿಂದ ಪೈಪೋಟಿ ಹೆಚ್ಚುತ್ತಿರುವಂತೆಯೇ ಮಾರುತಿ ಅಪಾಯವನ್ನು ಎದುರು ಹಾಕಿಸಿಕೊಳ್ಳಲು ಬಯಸುವುದಿಲ್ಲ ಎಂಬುದು ಇದರಿಂದ ಸ್ಪಷ್ಟವಾಗುತ್ತಿದೆ. ಇದನ್ನು ಎಚ್ಚರಿಕೆಯ ನಡೆಯಾಗಿಯೂ ಪರಿಗಣಿಸಬಹುದಾಗಿದೆ.

ನಿಮ್ಮ ಮಾಹಿತಿಗಾಗಿ, ದೇಶದ ವಾಣಿಜ್ಯ ಟ್ರಕ್ ಮಾರುಕಟ್ಟೆಯು ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿದ್ದು, ಮಹೀಂದ್ರ, ಅಶೋಕ್ ಲೇಲ್ಯಾಂಡ್ ಮತ್ತು ಸುಜುಕಿ ಕೂಡಾ ಸಣ್ಣ ಪ್ರಮಾಣದಲ್ಲಿ ಪರಿಣಾಮ ಬೀರಿದೆ. ಅಂದ ಹಾಗೆ ಕ್ಯಾರಿ ತಲಹದಿಯ ಈ ಮಿನಿ ಟ್ರಕ್, ನಾಲ್ಕು ಲಕ್ಷ ರು.ಗಳ ಅಸುಪಾಸಿನಲ್ಲಿ ಮಾರುಕಟ್ಟೆ ತಲುಪಲಿದ್ದು, ವಾರ್ಷಿಕವಾಗಿ ಒಂದು ಲಕ್ಷ ಯುನಿಟ್ ಸೇಲ್ ಮಾಡುವ ಗುರಿ ಹೊಂದಿದೆ.