ಬೀಜಿಂಗ್ ಆಟೋ ಶೋದಲ್ಲಿ ಬೆಂಝ್ ಕೂಪೆ ಕಾರು

ಪ್ರತಿಷ್ಠಿತ 2014 ಬೀಜಿಂಗ್ ಆಟೋ ಶೋದಲ್ಲಿ ಜರ್ಮನಿಯ ಲಗ್ಷುರಿ ಕಾರು ತಯಾರಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, ನೂತನ ಕೂಪೆ ಕಾನ್ಸೆಪ್ಟ್ ಮಾದರಿಯನ್ನು ಪ್ರದರ್ಶಿಸಿದೆ.

ಕೂಪೆ ಹಾಗೂ ಎಸ್‌ಯುವಿ ವಿನ್ಯಾಸವನ್ನು ಒಂದೇ ಮಾದರಿಯಲ್ಲಿ ಪ್ರದರ್ಶಿಸಿರುವುದು ನೂತನ ಬೆಂಝ್ ಕೂಪೆ ಕಾರಿನ ವಿಶೇಷತೆಯಾಗಿದೆ. ಇದು ಬಿಎಂಡಬ್ಲ್ಯು ಎಕ್ಸ್ ಸಾಲಿನಲ್ಲಿ ಗುರುತಿಸಿಕೊಳ್ಳಲಿದ್ದು, 2015ರಲ್ಲಿ ನಿರ್ಮಾಣ ವರ್ಷನ್ ಪಡೆದುಕೊಳ್ಳುವ ಸಾಧ್ಯತೆಯಿದೆ.

ಇದು 4.9 ಮೀಟರ್ ಉದ್ದ, 1.7 ಮೀಟರ್ ಎತ್ತರ, 2 ಮೀಟರ್ ಅಗಲ ಮತ್ತು 22 ಇಂಚು ವೀಲ್ ಪಡೆದುಕೊಂಡಿದೆ. ಅಲ್ಲದೆ ತನ್ನದೇ ಆದ ವಿಶಿಷ್ಟ ಕೂಪೆ, ಎಸ್‌ಯುವಿ ಮಿಶ್ರಣವನ್ನು ಪಡೆದುಕೊಂಡಿದೆ.

ಇದರಲ್ಲಿ 333 ಅಶ್ವಶಕ್ತಿ ಉತ್ಪಾದಿಸಬಲ್ಲ (480 ಎನ್‌ಎಂ ಟಾರ್ಕ್) 3.0 ಲೀಟರ್ ವಿ6 ಎಂಜಿನ್ ಆಳವಡಿಸಲಾಗಿದೆ. ಹಾಗೆಯೇ 9 ಜಿ ಟ್ರಾನಿಕ್ ನೈನ್ ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ.