ಹೊಸ ಇ 350 ಸಿಡಿಐ ಬಿಡುಗಡೆ ಖಚಿತಪಡಿಸಿದ ಬೆಂಝ್

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, ದೇಶದ ಮಾರುಕಟ್ಟೆಗೆ ಒಂದರ ಮೇಲೆ ಒಂದರಂತೆ ಅತ್ಯಾಕರ್ಷಕ ಕಾರುಗಳನ್ನು ಪರಿಚಯಿಸುತ್ತಲೇ ಬಂದಿದೆ. ಇದೀಗ ಸೆಪ್ಟೆಂಬರ್ 11ರಂದು ಹೊಸತಾದ ಇ 350 ಸಿಡಿಐ ಮಾದರಿಯನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.

2014 ಆಟೋ ಎಕ್ಸ್ ಪೋದಲ್ಲಿ ಅನೇಕ ಹೊಸ ಹಾಗೂ ಪರಿಷ್ಕೃತ ಮಾದರಿಗಳನ್ನು ಪರಿಚಯಿಸಿದ್ದ ಬೆಂಝ್, ದೇಶದಲ್ಲಿ ಪ್ರಸಕ್ತ ಸಾಲನ್ನು 'ಇಯರ್ ಆಫ್ ಎಕ್ಸಲೆನ್ಸ್' ಎಂದು ಬಣ್ಣಿಸಿತ್ತು. ಇದರಂತೆ ಈಗಾಗಲೇ ಅನೇಕ ಮಾದರಿಗಳನ್ನು ಪರಿಚಯಿಸಿದೆ.

ವಿನ್ಯಾಸ ಹಾಗೂ ಶೈಲಿಯನ್ನು ಗಮನಿಸಿದಾದ ಹೊಸ ಇ 350 ಸಿಡಿಐ, ಇ ಕ್ಲಾಸ್ ರೇಂಜ್‌ಗೆ ಸಮಾನವಾಗಿದೆ. ಇನ್ನು ಕಾರಿನೊಳಗೆ ಐಷಾರಾಮಿ ಸೌಲಭ್ಯಗಳ ಅನುಭವ ಪಡೆದುಕೊಳ್ಳಬಹುದಾಗಿದೆ.

ಇಂಟೆಲಿಜೆಟ್ ಡ್ರೈವ್ ಪ್ಯಾಕೇಜ್‌ನೊಂದಿಗೆ ಹೊಸ ಇ 350 ಸಿಡಿಐ ಆಗಮನವಾಗಲಿದೆ. ಇದು ಆಕ್ಟವ್ ಲೇನ್ ಕೀಪಿಂಗ್ ಅಸಿಸ್ಟ್, ಕ್ರಾಸ್ ಟ್ರಾಫಿಕ್ ಅಸಿಸ್ಟಂಟ್, ಡಿಸ್ಟ್ರೋನಿಕ್ ಪ್ಲಸ್ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಸ್ಟೀರಿಂಗ್ ಅಸಿಸ್ಟ್ ಸೌಲಭ್ಯಗಳನ್ನು ಹೊಂದಿರಲಿದೆ.

ಇನ್ನುಳಿದಂತೆ ಪಾದಚಾರಿ ಪತ್ತೆಹಚ್ಚುವಿಕೆ, ಬ್ಲೈಂಡ್ ಸ್ಪಾಟ್ ಎಚ್ಚರಿಕೆ, ಆಟೋಮ್ಯಾಟಿಕ್ ಪಾರ್ಕಿಂಗ್ ಮತ್ತು ಅಡಾಪ್ಟಿವ್ ಹೈ ಬೀಮ್ ಲೈಟ್ ಸೌಲಭ್ಯಗಳನ್ನು ಇದು ಪಡೆದುಕೊಳ್ಳಲಿದೆ. ಪ್ರಸ್ತುತ ಕಾರಲ್ಲಿ ನಾಲ್ಕು ಜನರಿಗೆ ಆರಾಮದಾಯಕವಾಗಿ ಪ್ರಯಾಣಿಸಬಹುದಾಗಿದೆ.