ಭಾರತದತ್ತ ಮುಖ ಮಾಡಿದ ಬೆಂಝ್ ಐಷಾರಾಮಿ ಕಾರುಗಳು

ಬೆಳೆಯುತ್ತಿರುವ ಭಾರತ ವಾಹನ ಮಾರುಕಟ್ಟೆಯಲ್ಲಿ ಭದ್ರ ನೆಲೆ ಸ್ಥಾಪಿಸಲು ಹೊರಟಿರುವ ಜರ್ಮನಿಯ ಮೂಲದ ಲಗ್ಷುರಿ ಕಾರು ತಯಾರಕ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, 2014ರ ಸಾಲಿನಲ್ಲಿ 10 ಹೊಸ ವಾಹನಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ.

ಈ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತವಾಗಿರುವ ಬೆಂಝ್, ಸದ್ಯದಲ್ಲೇ ಕಡಿಮೆ ಬೆಲೆಯ ಎ ಕ್ಲಾಸ್ ಹಾಗೂ ಬಿ ಕ್ಲಾಸ್ ವಾಹನಗಳನ್ನು ಬಿಡುಗಡೆ ಮಾಡಲಿದೆ. ಇದು ವಿಶೇಷ ಆವೃತ್ತಿಯ ಮಾದರಿಗಳು 'ಎಡಿಷನ್ 1' ಎಂದು ಗುರುತಿಸಿಕೊಳ್ಳಲಿದೆ. ಅಲ್ಲದೆ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಮಾರಾಟವಾಗಲಿದೆ.

ಇದೇ ಸಂದರ್ಭದಲ್ಲಿ ಜಾಗತಿಕ ಗುಣಮಟ್ಟತೆಯನ್ನು ಕಾಯ್ದುಕೊಳ್ಳುವಲ್ಲಿ ಬೆಂಝ್ ಬಂದ್ಧವಾಗಿದೆ. ಇದು ಹೊಸತಾದ ಅಲಾಯ್ ವೀಲ್, ಸ್ಪೋರ್ಟಿ ಡಿಕಾಲ್ಸ್, ಪ್ಯಾನೋರಾಮಿಕ್ ಸನ್‌ರೂಫ್ ಮತ್ತು ಎಡಿಷನ್ 1 ಬ್ಯಾಡ್ಜ್ ಗಿಟ್ಟಿಸಿಕೊಳ್ಳಲಿದೆ. ಹಾಗೆಯೇ ಕಾರಿನ ಒಳಗೂ ಹೆಚ್ಚಿನ ಐಷಾರಾಮಿ ಸೌಲಭ್ಯ ಹಾಗೂ ಆರಾಮದಾಯಕತೆಗೆ ಆದ್ಯತೆ ಕೊಡಲಾಗಿದೆ.

ಹಾಗಿದ್ದರೂ ಎಂಜಿನ್ ಮಾನಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಎ ಕ್ಲಾಸ್ ಮತ್ತು ಬಿ ಕ್ಲಸ್ ಮಾದರಿಗಳು 2.2 ಲೀಟರ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 107 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ 7 ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋ ಗೇರ್ ಬಾಕ್ಸ್ ಪಡೆಯಲಿದೆ. ಇನ್ನು ಬೆಲೆ ಬಿಡುಗಡೆ ವೇಳೆಯಷ್ಟೇ ಬಯಲಾಗಲಿದೆ.