ಹೊಸ ಅವತಾರ ಪಡೆಯಲಿರುವ ನಿಸ್ಸಾನ್ ಇವಾಲಿಯಾ

ನಿಮ್ಮಗೆಲ್ಲರಿಗೂ ತಿಳಿದಿರುವಂತೆಯೇ ಭಾರತ ಮಾರುಕಟ್ಟೆಯಲ್ಲಿ ನಿಸ್ಸಾನ್ ಇವಾಲಿಯಾ ಮಲ್ಟಿ ಪರ್ಪಸ್ ವೆಹಿಕಲ್ ನಿರೀಕ್ಷೆಯಷ್ಟು ಯಶ ಸಾಧಿಸುವಲ್ಲಿ ವಿಫಲವಾಗಿತ್ತು. ಆದರೆ ಇಲ್ಲಿಗೆ ಸೋಲೋಪ್ಪಿಕೊಳ್ಳಲು ಜಪಾನ್ ಮೂಲದ ಈ ವಾಹನ ತಯಾರಕ ಸಂಸ್ಥೆ ತಯಾರಾಗಿಲ್ಲ.

2013ರಲ್ಲಿ ಲಾಂಚ್ ಆಗಿದ್ದ ನಿಸ್ಸಾನ್ ಇವಾಲಿಯಾ ಜಾಗತಿಕವಾಗಿ ಎನ್‌ವಿ200 ಎಂಬ ಹೆಸರಿನಿಂದ ಗುರುತಿಸಿಕೊಂಡಿತ್ತು. ವಾಣಿಜ್ಯ ವಾಹನದಂತಿರುವ ಇದರ ವಿನ್ಯಾಸ, ಚಿಟ್ಟೆಯ ಶೈಲಿಯ ಹಿಂಭಾಗದ ವಿಂಡೋ, ಮಧ್ಯ ಸಾಲಿನಲ್ಲಿ ಎಸಿಯ ಕೊರತೆ, ಓಪನ್ ಗ್ಲೋವ್ ಬಾಕ್ಸ್ ಹಾಗೂ ಡ್ಯುಯಲ್ ಇಂಟಿರಿಯರ್‌ ಸಮಸ್ಯೆಗಳು ಹಿನ್ನಡೆಗೆ ಕಾರಣವಾಗಿತ್ತು.

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಇದು 1.5 ಲೀಟರ್ ಡೀಸೆಲ್ ಎಂಜಿನ್ ಜತೆಗೆ 5 ಸ್ಪೀಡ್ ಟ್ರಾನ್ಸ್‌ಮಿಷನ್ ಪಡೆದುಕೊಳ್ಳಲಿದೆ.

ಬಲ್ಲ ಮೂಲಗಳ ಪ್ರಕಾರ ಪರಿಷ್ಕೃತ ಇವಾಲಿಯಾ ಜೊತೆಗೆ ಫೇಸ್‌ಲಿಫ್ಟ್ ಸನ್ನಿ ಸೆಡಾನ್ (ದ್ವಿತಿಯಾರ್ಧದಲ್ಲಿ) ಹಾಗೂ ಎರಡನೇ ದಟ್ಸನ್ ಮಾದರಿಯನ್ನು (ಗೊ ಪ್ಲಸ್ ಎಂಪಿವಿ) ಬಿಡುಗಡೆ ಮಾಡುವ ಯೋಜನೆಯನ್ನು ನಿಸ್ಸಾನ್ ಹೊಂದಿದೆ.