ಮಗದೊಂದು ಅಗ್ನಿ ಪರೀಕ್ಷೆಗೆ ತಯಾರಾದ ಇವಾಲಿಯಾ

ಜಾಗತಿಕವಾಗಿ ಎನ್‌ವಿ200 ಹೆಸರಿನಿಂದ ಗುರುತಿಸಿಕೊಂಡಿರುವ ನಿಸ್ಸಾನ್ ಇವಾಲಿಯಾ ಅತ್ಯುತ್ತಮ ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು. ಆದರೆ ಈ ಬಹುನಿರೀಕ್ಷಿತ ಕಾರು ಭಾರತ ಮಾರುಕಟ್ಟೆಯಲ್ಲಿ ಮಾತ್ರ ನಿರೀಕ್ಷಿಸಿದಷ್ಟು ಯಶ ಸಾಧಿಸುವಲ್ಲಿ ವಿಫಲವಾಗಿತ್ತು.

ವ್ಯಾನ್ ಎಂಬ ಪಟ್ಟ ಗಿಟ್ಟಿಸಿಕೊಂಡಿರುವುದೇ ದೇಶದಲ್ಲಿ ನಿಸ್ಸಾನ್ ಇವಾಲಿಯಾ ವೈಫಲ್ಯಕ್ಕೆ ಕಾರಣವಾಗಿತ್ತು. ಅಷ್ಟಕ್ಕೂ ಭಾರತೀಯ ಕುಟುಂಬಗಳು ವ್ಯಾನ್ ಚಲಾಯಿಸಲು ಇಷ್ಟಪಡುತ್ತಾರೆಯೇ ? ಖಂಡಿತ ಇಲ್ಲ.

ಇದೀಗ ಮಗದೊಮ್ಮೆ ಇವಾಲಿಯಾ ಅಗ್ನಿ ಪರೀಕ್ಷೆಗೆ ಕಂಪನಿ ಮುಂದಾಗುತ್ತಿದೆ. ಈ ಬಾರಿ ಕಾರಿನ ಮುಂಭಾಗದಲ್ಲಿ ಬದಲಾವಣೆ ನಿರೀಕ್ಷಿಸಲಾಗುತ್ತಿದೆ. ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಬದಲಾವಣೆ ತರಲಾಗುತ್ತಿದೆ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ. ಅದು ಏನೇ ಇರಲಿ, ನೂತನ ಇವಾಲಿಯಾ ಬರಮಾಡಿಕೊಳ್ಳಲು 2014 ದೆಹಲಿ ಆಟೋ ಎಕ್ಸ್ ಪೋ ತಯಾರಾಗುತ್ತಿದೆ. ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ.