ನಿಸ್ಸಾನ್ ಜ್ಯೂಕ್ ನಿಸ್ಮೊ ಆರ್‌ಎಸ್ ಫೇಸ್‌ಲಿಫ್ಟ್ ಅನಾವರಣ

ಜಿನೆವಾದಲ್ಲಿ ನಡೆಯುತ್ತಿರುವ ಮೋಟಾರು ಶೋದಲ್ಲಿ ಜಪಾನ್ ಮೂಲದ ನಿಸ್ಸಾನ್ ಸಂಸ್ಥೆಯು ನೂತನ ಜ್ಯೂಕ್ ನಿಸ್ಮೊ ಆರ್‌ಎಸ್ ಫೇಸ್‌ಲಿಫ್ಟ್ ವರ್ಷನ್ ಅನಾವರಣಗೊಳಿಸಿದೆ.

ಮೊದಲ ನೋಟಕ್ಕೆ ಈ ಮಿನಿ ಎಸ್‌ಯುವಿ ವಿನ್ಯಾಸದಲ್ಲಿ ಹೆಚ್ಚಿನ ಬದಲಾವಣೆಗಳು ಗೋಚರಿಸುತ್ತಿಲ್ಲ. ಹಾಗಿದ್ದರೂ ಇದರಲ್ಲಿ ಹೊಸತಾದ 1.2 ಲೀಟರ್ ಟರ್ಬೊಚಾರ್ಜ್ಡ್ ಎಂಜಿನ್ ಆಳವಡಿಸಲಾಗಿದೆ. ಇದು 113 ಅಶ್ವಶಕ್ತಿ (190 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಇನ್ನು ಪರಿಷ್ಕೃತ ಜ್ಯೂಕ್ ನಿಸ್ಮೊ ಆರ್‌ಎಸ್‌ನಲ್ಲಿ ಹಿಂದಿನ ಆವೃತ್ತಿಗಿಂತಲೂ ಶೇಕಡಾ 40ರಷ್ಟು ಹೆಚ್ಚು ಲಗ್ಗೇಜ್ ಸ್ಪೇಸ್ ಲಭ್ಯವಿರಲಿದೆ.