ಸೆಪ್ಟೆಂಬರ್ ತಿಂಗಳಲ್ಲಿ ನಿಸ್ಸಾನ್ ಮಾರಾಟ ಏರಿಕೆ

ಭಾರತದಲ್ಲಿ ತನ್ನ ಸಾನಿಧ್ಯವನ್ನು ಮತ್ತಷ್ಟು ಬಲಪಡಿಸಿರುವ ಜಪಾನ್ ಮೂಲದ ದೈತ್ಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ನಿಸ್ಸಾನ್, 2014 ಸೆಪ್ಟೆಂಬರ್ ತಿಂಗಳ ಮಾರಾಟದಲ್ಲಿ ಶೇಕಡಾ 64.2ರಷ್ಟು ಭರ್ಜರಿ ಏರಿಕೆ ದಾಖಲಿಸಿದೆ.

ಕಳೆದ ವರ್ಷದ ಮಾರಾಟಕ್ಕೆ ಹೋಲಿಸಿದರೆ ಹೊಸ ಮಾದರಿಗಳನ್ನು ಪರಿಚಯಿಸಿರುವ ನಿಸ್ಸಾನ್ ಮಾರಾಟದಲ್ಲಿ ಶಿಪ್ರ ಗತಿಯ ಬೆಳವಣಿಗೆ ಸಾಧಿಸಿದೆ. 2014 ಸೆಪ್ಟೆಂಬರ್ ತಿಂಗಳಲ್ಲಿ ನಿಸ್ಸಾನ್ ಸಂಸ್ಥೆಯು ಒಟ್ಟು 4,145 ಯುನಿಟ್‌ಗಳ ಮಾರಾಟ ದಾಖಲಿಸಿದೆ.

ಅಷ್ಟೇ ಅಲ್ಲದೆ ಈ ಎಲ್ಲದರ ಮೂಲಕ 2014 ಆರ್ಥಿಕ ಸಾಲಿನ ಎರಡನೇ ತ್ರೈಮಾಸಿಕ ಅವಧಿಯಲ್ಲಿ ಸಂಸ್ಥೆಯು ಒಟ್ಟು 25,741 ಯುನಿಟ್‌ಗಳ ಮಾರಾಟ ದಾಖಲಿಸಿದೆ. ಕಳೆದ ವರ್ಷವಿದು 12,515 ಯುನಿಟ್‌ಗಳಿಗೆ ಮಾತ್ರ ಸೀಮಿತವಾಗಿತ್ತು. ಈ ಮೂಲಕ ಶೇಕಡಾ 105.7ರಷ್ಟು ಭರ್ಜರಿ ಏರಿಕೆ ಸಾಧಿಸಿದೆ.

ನಿಸ್ಸಾನ್ ಮಾರಾಟ ವರದಿ (ಯುನಿಟ್‌ಗಳಲ್ಲಿ)

ಸೆಪ್ಟೆಂಬರ್ 2014 - 4,145
ಸೆಪ್ಟೆಂಬರ್ 2013 - 2,527
ಏರಿಕೆ (%) - 64.2

2ನೇ ತ್ರೈಮಾಸಿಕ ಅವಧಿ
2014 (ಇದುವರೆಗೆ) - 25,741
2013 - 12,515
ಏರಿಕೆ (%) - 105.7