ಐಕಾನಿಕ್ ರೋಲ್ಸ್ ರಾಯ್ಸ್ 110ರ ಹರೆಯ

110 ವರ್ಷಗಳ ಹಿಂದೆ ಅಂದರೆ 1904ನೇ ಇಸವಿಯಲ್ಲಿ ರೋಲ್ಸ್ ರಾಯ್ಸ್ ಸಂಸ್ಥೆ ಸ್ಥಾಪಿಸಲಾಗಿತ್ತು. ಅಂದು ಸ್ಥಾಪಕರಾದ ಚಾರ್ಲ್ಸ್ ರೋಲ್ಸ್ ಮತ್ತು ಹೆನ್ರಿ ರಾಯ್ಸ್ ಮೊದಲ ಬಾರಿಗೆ ಭೇಟಿಯಾಗಿದ್ದಾಗ, ಮುಂದೆ ಇದೇ ಸಂಸ್ಥೆ ಜಗತ್ತಿನ ಅತ್ಯಂತ ದುಬಾರಿ ಹಾಗೂ ಐಷಾರಾಮಿ ಕಾರುಗಳಲ್ಲಿ ಗುರುತಿಸಿಕೊಳ್ಳಲಿದೆ ಎಂಬುದನ್ನು ಅರಿತುಕೊಂಡಿರಲಿಲ್ಲ.

ಸದ್ಯ ಜಗತ್ತಿನ ಅತಿ ಪುರಾತನ ಹಾಗೆಯೇ ಐಕಾನಿಕ್ ಸಂಸ್ಥೆಗಳಲ್ಲಿ ಒಂದಾಗಿರುವ ರೋಲ್ಸ್ ರಾಯ್ಸ್ 110ನೇ ವರ್ಷದ ಸಂಭ್ರಮದಲ್ಲಿದೆ. ನಿಮ್ಮ ಮಾಹಿತಿಗಾಗಿ, ರೋಲ್ಸ್ ರಾಯ್ಸ್‌ನ ಮೊದಲ ಮಾದರಿಯಾಗಿರುವ ಸಿಲ್ವರ್ ಗೋಸ್ಟ್ 23,000 ಕೀ.ಮೀ.ಗಳಷ್ಟು ಸಂಚರಿಸಿತ್ತು.

ಸದ್ಯ ವ್ರೈತ್, ಫಾಟಂ ಕೂಪೆ, ಗೋಸ್ಟ್‌ಗಳಂತಹ ಅತ್ಯಾಕರ್ಷಕ ಸೂಪರ್ ಕಾರುಗಳನ್ನು ಹೊಂದಿರುವ ರೋಲ್ಸ್ ರಾಯ್ಸ್ ಜಗತ್ತಿನ ಅತಿ ದುಬಾರಿ ಹಾಗೆಯೇ ಅತ್ಯಂತ ಪ್ರತಿಷ್ಠಿತ ಕಾರುಗಳಲ್ಲಿ ಗುರುತಿಸಿಕೊಂಡಿದೆ.