2017ರಲ್ಲಿ ಸುಜುಕಿ ಗುಜರಾತ್ ಘಟಕದಲ್ಲಿ ನಿರ್ಮಾಣ ಆರಂಭ

ಸುಜುಕಿ ಮೋಟಾರು ಕಾರ್ಪ್ (ಎಸ್‌ಎಂಸಿ) ಹೂಡಿಕೆಯಡಿಯಲ್ಲಿ ಗುಜರಾತ್‌ನಲ್ಲಿ ನಿರ್ಮಾಣವಾಗಲಿರುವ ಮಾರುತಿ ಸುಜುಕಿ ಎಕ್ಸ್‌ಕ್ಲೂಸಿವ್ ಘಟಕದಲ್ಲಿ ಉತ್ಪಾದನೆ ಪ್ರಕ್ರಿಯೆ 2017ನೇ ಇಸವಿಯಿಂದ ಆರಂಭವಾಗಲಿದೆ.

ಈ ಸಂಬಂಧ ಬುಧವಾರ ಅಹಮಾದಾಬಾದ್‌ನಲ್ಲಿ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (ಎಂಎಸ್‌ಐಎಲ್) ಮುಖ್ಯಸ್ಥ ಆರ್‌ಸಿ ಭಾರ್ಗವ ಹೇಳಿಕೆ ನೀಡಿದ್ದಾರೆ. ಅಲ್ಲದೆ ಹೂಡಿಕೆದಾರರರನ್ನು ಸೆಳೆಯುವ ನಿಟ್ಟಿನಲ್ಲಿ ಇದೇ ತಿಂಗಳಲ್ಲಿ ರೋಡ್ ಶೋ ಹಮ್ಮಿಕೊಂಡಿರುವುದಾಗಿ ತಿಳಿಸಿದ್ದಾರೆ.

ಈ ತಿಂಗಳು ಆರಂಭಿಸಲಿರುವ ರೋಡ್ ಶೋ ಆಗಸ್ಟ್ ಮಧ್ಯಂತರ ಅವಧಿಯ ವರೆಗೂ ಮುಂದುವರಿಯಲಿದೆ. ಈ ಮೂಲದ ಸ್ಥಳೀಯ ಹಾಗೂ ಜಾಗತಿಕ ಹೂಡಿಕೆದಾರರನ್ನು ಮನವೊಳಿಸುವ ಮಾಡುವ ಪ್ರಯತ್ನ ಮಾಡಲಾಗುವುದು.

ಹಾಗೊಂದು ವೇಳೆ ಎಲ್ಲವೂ ಅಂದುಕೊಂಡಂತೆ ನಡೆದ್ದಲ್ಲಿ 488 ಮಿಲಿಯನ್ ಅಮೆರಿಕನ್ ಡಾಲರ್ ಹೂಡಿಕೆಯ ಜಪಾನ್ ವಾಹನ ತಯಾರಕ ಸಂಸ್ಥೆಯ ಮೊತ್ತ ಮೊದಲ ಘಟಕ ದೇಶದಲ್ಲಿ ತಲೆಯೆತ್ತಲಿದೆ. ಪ್ರಾರಂಭದಲ್ಲಿ ಈ ಘಟಕದಲ್ಲಿ ವಾರ್ಷಿಕವಾಗಿ ಒಂದು ಲಕ್ಷ ಯುನಿಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.