ನಕಲಿ ಬಿಡಿಭಾಗ ಮಾರಾಟ; ಟಾಟಾ ವ್ಯಾಪಕ ದಾಳಿ

ನಕಲಿ ವಾಹನ ಬಿಡಿಭಾಗಗಳ ತಯಾರಿ ಹಾಗೂ ಮಾರಾಟದ ವಿರುದ್ಧ ಖುದ್ದಾಗಿ ಮುಂದೆ ಬಂದಿರುವ ದೇಶದ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, ಕರ್ನಾಟಕ ಸೇರಿದಂತೆ ದೇಶದ್ಯಾಂತ ವ್ಯಾಪಕ ದಾಳಿ ನಡೆಸಿದೆ.

ನಕಲಿ ಬಿಡಿಭಾಗ ಖರೀದಿಯಿಂದ ಗ್ರಾಹಕರನ್ನು ಎಚ್ಚರಿಸುವುದು ಟಾಟಾದ ಪ್ರಮುಖ ಉದ್ದೇಶವಾಗಿದೆ. ಇದಕ್ಕಾಗಿ ಟಾಟಾ ಜೆನ್ಯೂನ್ ಪಾರ್ಟ್ಸ್ (ಟಿಜಿಪಿ) ಬ್ರಾಂಡ್ ಅಡಿಯಲ್ಲಿ ವ್ಯವಸ್ಥಿತ ಅಭಿಯಾನವನ್ನು ಹಮ್ಮಿಕೊಂಡಿದೆ. ಇದರಂತೆ ದೇಶದ್ಯಾಂತ ವ್ಯಾಪಕ ದಾಳಿ ಕೈಗೊಂಡಿದೆ.

ಕರ್ನಾಟಕ ದಾಳಿ ವಿವರ ಇಂತಿದೆ:

ಯಾದಗಿರಿ ಪ್ರದೇಶ: ಶ್ರೀ ಸಂಘಮೇಶ್ವರ ಆಟೋಮೊಬೈಲ್ಸ್, ಆನಂದ್ ಆಟೋಮೊಬೈಲ್ಸ್, ಚೆನ್ನ ಬಸವೇಶ್ವರ ಆಟೋಮೊಬೈಲ್ಸ್.
ಮುಲ್ಬಗಲ್: ಎಂಬಿಎಸ್ ಆಟೋಮೊಬೈಲ್ಸ್, ಸೂಪರ್ ಆಟೋಮೊಬೈಲ್ಸ್.
ಕೋಲಾರ: ಕೋಲಾರ ಕಾರ್ ಆಟೋಮೊಬೈಲ್ಸ್, ಎಸ್‌ಎಸ್ ಆಟೋಮೊಬೈಲ್ಸ್.

ದಾಳಿ ನಡೆಸಿರುವ ತಂಡದ ಪ್ರಕಾರ, ಪ್ರಮುಖವಾಗಿಯೂ ಕ್ಲಚ್, ಏರ್/ಒಯಿಲ್/ಇಂಧನ ಫಿಲ್ಟರ್, ಬೆಲ್ಟ್, ಹೋಸ್, ಬಾಲ್ ಜಾಯಿಂಟ್, ಸೀಲ್ಸ್, ಸಸ್ಪೆಷನ್ ಘಟಕಗಳಾದ ಪ್ಯಾಡ್, ಗೇರ್ ಪಾರ್ಟ್ಸ್‌ಗಳಂತಹ ಘಟಕಗಳನ್ನು ನಕಲಿ ಮಾಡಲಾಗುತ್ತಿದೆ. ಈ ನಿಟ್ಟಿನಲ್ಲಿ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತಿದೆ.