2015ರಲ್ಲಿ ಟೆಸ್ಲಾ ಕಾರುಗಳ ಭಾರತ ಎಂಟ್ರಿ

ತವರೂರಾದ ಅಮೆರಿಕದಲ್ಲಿನ ಯಶಸ್ಸಿನ ಬಳಿಕ 2012ನೇ ಇಸವಿಯಲ್ಲಿ ಯುರೋಪ್ ಖಂಡವನ್ನು ಟೆಸ್ಲಾ ಪ್ರವೇಶಿಸಿತ್ತು. ಪ್ರಸ್ತುತ ಕ್ಯಾಲಿಫೋರ್ನಿಯಾ ತಲಹದಿಯ ಈ ಎಲೆಕ್ಟ್ರಿಕ್ ಕಾರು ಸಂಸ್ಥೆಯು ಏಷ್ಯಾದತ್ತ ಮುಖ ಮಾಡಿದ್ದು, ಚೀನಾ ಬೆನ್ನಲ್ಲೇ ಭಾರತದಲ್ಲೂ ನೆಲೆ ಸ್ಥಾಪಿಸುವ ಇರಾದೆ ಹೊಂದಿದೆ.

ಚೀನಾದಲ್ಲಿ ಈಗಾಗಲೇ ವಿತರಣೆ ಕೇಂದ್ರ ಸ್ಥಾಪಿಸಿರುವ ಟೆಸ್ಲಾ, 2015ರ ವೇಳೆಯಾಗುವಾಗ ಭಾರತಕ್ಕೆ ಮಾಡೆಲ್ ಎಸ್ ಮತ್ತು ಮಾಡೆಲ್ ಎಕ್ಸ್ ಮಾದರಿಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ.

ಹಾಗಿದ್ದರೂ ಯಾವುದೇ ಅಧಿಕೃತ ಘೋಷಣೆಗೆ ಸಂಸ್ಥೆ ಮುಂದಾಗಿಲ್ಲ. ಪ್ರಸ್ತುತ ಟೆಸ್ಲಾ ಮಾಡೆಲ್ ಎಸ್‌ ಎಸ್‌ಯುವಿ ಅಭಿವೃದ್ಧಿ ಹಂತದಲ್ಲಿದೆ. ಈ ಬಗ್ಗೆ ಮುಂದಿನ ದಿನಗಳಲ್ಲಿ ನಿಖರ ಮಾಹಿತಿ ಲಭ್ಯವಾಗಲಿದೆ.