ಟೊಯೊಟಾ ತ್ರಿಚಕ್ರ ವಾಹನ 'ಐ-ರೋಡ್' ರಸ್ತೆ ಪರೀಕ್ಷೆ

ಪ್ರಸ್ತುತ ನಗರ ಪ್ರದೇಶದ ರಸ್ತೆಗಳಲ್ಲಿ ಟೊಯೊಟಾ 'ಐ-ರೋಡ್' ವಿದ್ಯುತ್ ಚಾಲಿತ ವಾಹನದ ಪರೀಕ್ಷೆ ನಡೆಯಲಿದೆ. ಈ ತ್ರಿಚಕ್ರ ವಾಹನವು ಹಲವಾರು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಪ್ರಸ್ತುತ ರಸ್ತೆ ಪರೀಕ್ಷೆಯು ಮಾರ್ಚ್ 24ರಂದು ಆರಂಭವಾಗಲಿದ್ದು, 20 ಮಂದಿ 10ರಷ್ಟು ವಾಹನಗಳನ್ನು ಚಲಿಸುವ ಅವಕಾಶ ಗಿಟ್ಟಿಸಿಕೊಳ್ಳಲಿದ್ದಾರೆ.

ವೈಯಕ್ತಿಕ ಸಂಚಾರ ವಿಷಯಕ್ಕೆ ಬಂದಾಗ ನಯವಾದ ಹಾಗೂ ಮೊನಾಚಾದ ವಿನ್ಯಾಸ ಪಡೆದುಕೊಂಡಿರುವ ಟೊಯೊಟಾ ಐ ರೋಡ್ ಹೆಚ್ಚು ಸೂಕ್ತವೆನಿಸಲಿದೆ. ಇದು ಮುಂಭಾಗದಲ್ಲಿ ವೃತ್ತಾಕಾರದ ಹೆಡ್‌ಲೈಟ್ ಹಾಗೂ ಬೈಕ್ ಮಾದರಿಯ ಇಂಡಿಕೇಟರ್ ಪಡೆದುಕೊಂಡಿದೆ.

ಏರೋಡೈನಾಮಿಕ್ ವಿನ್ಯಾಸದಿಂದ ಸ್ಫೂರ್ತಿ ಪಡೆದು ಇದರ ಡಿಸೈನ್ ರಚಿಸಲಾಗಿದೆ. ಈ ಮೂಲಕ ಟ್ರೆಂಡಿ ಹಾಗೂ ಸ್ಟೈಲಿಷ್ ವಿನ್ಯಾಸ ಕಾಪಾಡಿಕೊಳ್ಳಲಾಗಿದೆ. ಅಲ್ಲದೆ ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಲಗತ್ತಿಸಲಾಗಿದೆ.

ಇನ್ನು ಟೊಯೊಟಾ ಐ ರೋಡ್ ಹಗುರ ಭಾರದ ಪರಿಕರಗಳಿಂದ ನಿರ್ಮಿಸಲಾಗಿದೆ. ಬದಿಯಿಂದಲೂ ಇದು ಯೂನಿಕ್ ವಿನ್ಯಾಸ ಕಾಪಾಡಿಕೊಂಡಿದೆ.

ಹಿಂದುಗಂಡೆ ಒಂದು ಚಕ್ರ ಮಾತ್ರ ಹೊಂದಿದ್ದು, ಡಿಸ್ಕ್ ಬ್ರೇಕ್ ಪಡೆದುಕೊಳ್ಳಲಿದೆ. ಇನ್ನು ಬಹುಬೇಗನೇ ಗೋಚರಿಸುವ ನಿಟ್ಟಿನಲ್ಲಿ ಟರ್ನ್ ಹಾಗೂ ಬ್ರೇಕ್ ಇಂಡಿಕೇಟರ್‌ಗಳನ್ನು ಮೇಲ್ಭಾಗದಲ್ಲಿ ಆಳವಡಿಸಲಾಗಿದೆ.

ಒಳಮೈ

ಟೊಯೊಟಾ ಐ ರೋಡ್‌ನಲ್ಲಿ ಇಬ್ಬರಿಗೆ ಆರಾಮದಾಯಕವಾಗಿ ಕುಳಿತುಕೊಳ್ಳಬಹುದಾಗಿದೆ. ಇದರಲ್ಲಿ ಸಂಪೂರ್ಣ ಡಿಟಿಜಲ್‌ ಟಚ್ ನೀಡಲಾಗಿದ್ದು, ಸುಲಭವಾಗಿ ಬಳಕೆ ಮಾಡಬಹುದಾಗಿದೆ. ಅಂದರೆ ತಮ್ಮ ಸ್ಕೂಟರ್‌ಗಳನ್ನು ಅಪ್‌ಗ್ರೇಡ್ ಮಾಡಲು ಬಯಸುವವರು ಇದನ್ನೊಮ್ಮೆ ಪರೀಕ್ಷಿಸಬಹುದಾಗಿದೆ.

ಇದು 2.4 ಮೀಟರ್ ಉದ್ದ ಹೊಂದಿದ್ದು, ಗಂಟೆಗೆ ಗರಿಷ್ಠ 37 ಮೈಲ್ ವೇಗತೆಯಲ್ಲಿ ಸಂಚರಿಸಲಿದೆ. ಅಲ್ಲದೆ ಲಿಥಿಯಂ ಇಯಾನ್ ಬ್ಯಾಟರಿಯಿಂದ ನಿಯಂತ್ರಿಸಲ್ಪಡುವ ಎರಡು ಎಲೆಕ್ಟ್ರಿಕ್ ಮೋಟಾರುಗಳಿದ್ದು, 30 ಮೈಲ್ ದೂರದ ವರೆಗೂ ಪಯಣಿಸಬಹುದಾಗಿದೆ.