ಟೊಯೊಟಾ ಬೆಂಗಳೂರು ಘಟಕದಲ್ಲಿ ಉತ್ಪಾದನೆ ಸ್ಥಗಿತ

ವೇತನ ಪರಿಷ್ಕರಣೆ ಸಂಬಂಧ ತಲೆದೋರಿರುವ ಕಾರ್ಮಿಕ ಮುಷ್ಕರದ ಹಿನ್ನಲೆಯಲ್ಲಿ ಬೆಂಗಳೂರಿನ ಹೊರವಲಯದಲ್ಲಿ ಸ್ಥಿತಗೊಂಡಿರುವ ಟೊಯೊಟಾ ಕಿರ್ಲೊಸ್ಕರ್ ಮೋಟಾರು ಸಂಸ್ಥೆಯ ಎರಡು ಘಟಕಗಳ ಉತ್ಪಾದನೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಬೆಂಗಳೂರಿನ ಹೊರವಲಯ ಬಿಡದಿಯಲ್ಲಿ ಟೊಯೊಟಾದ ಎರಡು ಘಟಕಗಳು ಸ್ಥಿತಗೊಂಡಿದೆ. ವೇತನಾ ಪರಿಷ್ಕರಣೆ ಸಂಬಂಧ ಒಂದು ವಿಭಾಗ ಕಾರ್ಮಿಕರು ಮುಷ್ಕರ ಹೂಡಿರುವ ಹಿನ್ನಲೆಯಲ್ಲಿ ಘಟಕದಲ್ಲಿ ಉತ್ಪಾದನೆ ನಿಲುಗಡೆಗೊಂಡಿರುವುದಾಗಿ ಟೊಯೊಟಾ ತಿಳಿಸಿದೆ.

ಮಾರುತಿ ಸುಜುಕಿ, ಹ್ಯುಂಡೈ, ಮಹೀಂದ್ರ ಬಳಿಕ ದೇಶದ ನಾಲ್ಕನೇ ಅತಿದೊಡ್ಡ ಕಾರು ನಿರ್ಮಾಣ ಸಂಸ್ಥೆ ಎನಿಸಿಕೊಂಡಿರುವ ಜಪಾನ್ ಮೂಲದ ಟೊಯೊಟಾ, ಬೆಂಗಳೂರಿನ ಘಟಕದಲ್ಲಿ ದಿನಂಪ್ರತಿ 700ರಷ್ಟು ವಾಹನಗಳನ್ನು ಉತ್ಪಾದಿಸುತ್ತಿದೆ. ಇಲ್ಲಿ ಜನಪ್ರಿಯ ಫಾರ್ಚುನರ್, ಇನ್ನೋವಾ, ಎಟಿಯೋಸ್ ಸೆಡಾನ್ ಹಾಗೂ ಕರೊಲ್ಲಾ ಆಲ್ಟೀಸ್ ಸೆಡಾನ್‌ಗಳಂತಹ ಮಾದರಿಗಳು ಉತ್ಪಾದನೆಯಾಗುತ್ತಿದೆ. ಪ್ರಸ್ತುತ ಮುಷ್ಕರದಿಂದಾಗಿ 2014 ಕರೊಲ್ಲಾ ಆಲ್ಟೀಸ್ ಹಾಗೂ ಎಟಿಯೋಸ್ ಕ್ರಾಸ್ ಲಾಂಚ್ ಕಾರ್ಯಕ್ರಮ ಇನ್ನಷ್ಟು ಮುಂದೂಡುವ ಸಾಧ್ಯತೆಯಿದೆ.