ಟೊಯೊಟಾದಿಂದ ಸಣ್ಣ ಕಾರು ಉತ್ಪಾದನೆಯಿಲ್ಲ

ಭಾರತದಲ್ಲಿ ಬಜೆಟ್ ಕಾರುಗಳಿಗೆ ಅತಿ ಹೆಚ್ಚಿನ ಬೇಡಿಕೆಯಿದೆ. ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳಾದ ಮಾರುತಿ ಸುಜುಕಿ ಹಾಗೂ ಹ್ಯುಂಡೈ ಮೋಟಾರು ಇಂಡಿಯಾ ಯಶಸ್ಸನ್ನು ಇದು ಎತ್ತಿ ಹಿಡಿಯುತ್ತದೆ.

ಆದರೆ ದೇಶದಲ್ಲಿ ಸಣ್ಣ ಕಾರಿನ ಸ್ಪರ್ಧೆಗಿಲ್ಲ ಎಂದು ಜಪಾನ್ ಮೂಲದ ದೈತ್ಯ ವಾಹನ ತಯಾರಕ ಸಂಸ್ಥೆಯಾಗಿರುವ ಟೊಯೊಟಾ ಸ್ಪಷ್ಟಪಡಿಸಿದೆ. ಸದ್ಯ ಟೊಯೊಟಾದಿಂದ ಲಭ್ಯವಾಗುತ್ತಿರುವ ಅತ್ಯಂತ ಅಗ್ಗದ ಕಾರೆಂದರೆ ಎಟಿಯೋಸ್ ಲಿವಾ ಹ್ಯಾಚ್‌ಬ್ಯಾಕ್ ಆಗಿದೆ. ಇದರ ದರ 4.80 ಲಕ್ಷ ರು.ಗಳಾಗಿವೆ.

ಹಾಗಾಗಿ ಟೊಯೊಟಾದಿಂದ ಉಂಟಾಗಿರುವ ಇಂತಹದೊಂದು ನಡೆ ಸಹಜವಾಗಿಯೇ ಆಶ್ಚರ್ಯವನ್ನುಂಟು ಮಾಡಿದೆ. ದೊಡ್ಡ ಕಾರುಗಳ ವಿಭಾಗದತ್ತ ಹೆಚ್ಚು ಗಮನ ಹರಿಸುತ್ತಿರುವುದೇ ಟೊಯೊಟಾದಿಂದ ಕಂಡುಬಂದಿರುವ ಇಂತಹದೊಂದು ನಡೆಯ ಹಿಂದಿರುವ ಕಾರಣವಾಗಿರಬಹುದು. ಅಲ್ಲದೆ ದೊಡ್ಡ ಕಾರುಗಳ ಮಾರಾಟದಲ್ಲಿ ಹೆಚ್ಚು ಲಾಭ ಗಳಿಸಬಹುದು ಎಂಬುದನ್ನು ಸಹ ಟೊಯೊಟಾ ಗಮನದಲ್ಲಿಟ್ಟುಕೊಂಡಿದೆ.