ಗಾಳಿಯಲ್ಲಿ ಹಾರುವ ಕಾರಿನ ಹುಡುಕಾಟದಲ್ಲಿ ಟೊಯೊಟಾ

ಬಹುತೇಕ ಎಲ್ಲ ಅಗ್ರಗಣ್ಯ ಆಟೋಮೊಬೈಲ್ ಸಂಸ್ಥೆಗಳು ಭವಿಷ್ಯದ ವಾಹಕ ಕಂಡುಹಿಡಿಯುವುದರಲ್ಲಿ ತಲ್ಲೀನವಾಗಿದೆ. ಈ ನಿಟ್ಟಿನಲ್ಲಿ ಒಟ್ಟು ಆದಾಯದ ನಿರ್ದಿಷ್ಟ ಪ್ರಮಾಣವನ್ನು ಮೀಸಲಿಡುತ್ತದೆ. ಇದರಿಂದ ಜಪಾನ್ ಮೂಲದ ಐಕಾನಿಕ್ ಟೊಯೊಟಾ ಸಂಸ್ಥೆಯು ಸಹ ಹೊರತಾಗಿಲ್ಲ.

ಜಗತ್ತಿನ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಗಳ ಸಾಲಿನಲ್ಲಿ ಗುರುತಿಸಿಕೊಂಡಿರುವ ಟೊಯೊಟಾ ಈಗಾಗಲೇ ಹಲವಾರು ಮುಂದುವರಿದ ವಾಹನ ತಂತ್ರಾಂಶಗಳನ್ನು ಅಭಿವೃದ್ಧಿಪಡಿಸಿದ್ದು, ಇದೀಗ ಹಾರುವ ಕಾರಿನ ಅಧ್ಯಯನದಲ್ಲಿ ತೊಡಗಿಸಿಕೊಂಡಿದೆ.

ನೀವು ಟೆರ್ರಾಫ್ಯುಜಿಯಾದಂತಹ ಹಾರುವ ಕಾರುಗಳ ಬಗ್ಗೆ ಕೇಳಿರಬಹುದು. ಆದರೆ ಟೊಯೊಟಾದ ಹೋವರ್‌ಕ್ರಾಫ್ಟ್ ಇವೆಲ್ಲಕ್ಕಿಂತಲೂ ವಿಭಿನ್ನತೆ ಕಾಪಾಡಿಕೊಳ್ಳುವ ನಿರೀಕ್ಷೆ ಮೂಡಿಸಿದೆ. ಆದರೆ ಯೋಜನೆಯ ಬಗ್ಗೆ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸಲು ಯೊಶಿಕಿ ನಿರಾಕರಿಸಿದ್ದಾರೆ.