ಟೊಯೊಟಾ 2015 ಕ್ಯಾಮ್ರಿ ಟೀಸರ್ ಚಿತ್ರ ಬಿಡುಗಡೆ

ಜಗತ್ತಿನ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಜಪಾನ್ ಮೂಲದ ಟೊಯೊಟಾ ವಾಹನ ತಯಾರಕ ಸಂಸ್ಥೆಯು, ನೂತನ 2015 ಕ್ಯಾಮ್ರಿ ಎಕ್ಸ್‌ಕ್ಲೂಸಿವ್ ಟೀಸರ್ ಚಿತ್ರಗಳನ್ನು ಬಿಡುಗಡೆಗೊಳಿಸಿದೆ.

ಪ್ರಸಕ್ತ ಸಾಲಿನಲ್ಲಿ ಎಟಿಯೋಸ್ ಕ್ರಾಸ್ ಮತ್ತು 2014 ಕರೊಲ್ಲಾ ಆಲ್ಟೀಸ್ ಮಾದರಿಗಳನ್ನು ಪರಿಚಯಿಸಿರುವ ಟೊಯೊಟಾ, ಇದೀಗ 2015 ಕ್ಯಾಮ್ರಿ ಮಾದರಿಯತ್ತ ಗಮನ ಕೇಂದ್ರಿಕರಿಸಿದೆ.

ಅಂದ ಹಾಗೆ ಹೊಸ ಕ್ಯಾಮ್ರಿ ಪೆಟ್ರೋಲ್ ಜೊತೆ ಹೈಬ್ರಿಡ್ ಎಂಜಿನ್ ಆಯ್ಕೆಯಲ್ಲೂ ಲಭ್ಯವಾಗಲಿದೆ. ಈ ಸೆಡಾನ್ ಕಾರು 2.5 ಲೀಟರ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 177 ಅಶ್ವಶಕ್ತಿ ಉತ್ಪಾದಿಸಲಿದೆ. ಇದನ್ನು ಇನ್ನಷ್ಟು ಟ್ಯೂನ್ ಮಾಡಿದ್ದಲ್ಲಿ, 158 ಅಶ್ವಶಕ್ತಿ ಉತ್ಪಾದಿಸಲಿದೆ.