ಪ್ಯಾರಿಸ್‌ನಲ್ಲಿ ಟೊಯೊಟಾದಿಂದ ಹೊಸ ಕ್ರಾಸೋವರ್ ಪ್ರದರ್ಶನ

2014 ಪ್ಯಾರಿಸ್ ಮೋಟಾರು ಶೋ ಪ್ರಾರಂಭಕ್ಕೆ ದಿನಗಣನೆ ಆರಂಭವಾಗಿದೆ. ಇದರಂತೆ ಜಗತ್ತಿನ ಎಲ್ಲ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳು ತಮ್ಮ ನೂತನ ಮಾದರಿಗಳನ್ನು ಪ್ರದರ್ಶಿಸಲು ತುದಿಗಾಲಲ್ಲಿ ನಿಂತಿದೆ.

ಜಪಾನ್‌ನ ಪ್ರತಿಷ್ಟಿತ ಸಂಸ್ಥೆಯಾಗಿರುವ ಟೊಯೊಟಾ ಸಹ ಇದರಿಂದ ಹೊರತಾಗಿಲ್ಲ. ವರದಿಗಳ ಪ್ರಕಾರ 2014 ಪ್ಯಾರಿಸ್ ಮೋಟಾರು ಶೋದಲ್ಲಿ ಟೊಯೊಟಾ ಸಂಸ್ಥೆಯು ಹೊಸತಾದ ಕ್ರಾಸೋವರ್ ಮಾದರಿಯನ್ನು ಪ್ರದರ್ಶಿಸಲಿದೆ.

ಇದರ ಜೊತೆಗೆ ಇನ್ನಿತರ ಮಹತ್ವದ ಮಾದರಿಗಳನ್ನು ಪ್ರದರ್ಶಿಸುವ ಇರಾದೆಯನ್ನು ಸಂಸ್ಥೆ ಹೊಂದಿದೆ. ಇದರಲ್ಲಿ ಫ್ಲೂಯಲ್ ಸೆಲ್ ಸೆಡಾನ್ ಪ್ರಮುಖವಾಗಿದೆ. ಈ ಮಹತ್ತರ ವೆರಿಯಂಟ್ 2015ನೇ ಸಾಲಿನಲ್ಲಿ ಯುರೋಪ್ ಮಾರುಕಟ್ಟೆ ಪ್ರವೇಶಿಸಲಿದೆ.

ಕೆಲವು ತಿಂಗಳುಗಳ ಹಿಂದೆಯಷ್ಟೇ ಭಾರತದಲ್ಲಿ ಎಟಿಯೋಸ್ ಕ್ರಾಸೋವರ್ ಮಾದರಿಯನ್ನು ಪ್ರದರ್ಶಿಸಿರುವ ಟೊಯೊಟಾ, ಮುಂದಿನ ದಿನಗಳಲ್ಲಿ ಪೂರ್ಣ ರೂಪದ ಎಸ್‌ಯುವಿ ಮತ್ತು ಕಾಂಪಾಕ್ಟ್ ಎಸ್‌ಯುವಿ ಪರಿಚಯಿಸುವ ಇರಾದೆ ಹೊಂದಿದೆ. ಈ ನಿಟ್ಟಿನಲ್ಲಿ ಇದೀಗ ಜರಗಲಿರುವ ಪ್ಯಾರಿಸ್ ಮೋಟಾರು ಶೋ ಭಾರತೀಯರ ಪಾಲಿಗೂ ಮಹತ್ವದೆನಿಸಲಿದೆ.