2015ರಲ್ಲಿ ಆಡಿಯಿಂದ 10 ಉಡುಗೊರೆ; ಯಾವುವು?

ಜರ್ಮನಿಯ ಐಷಾರಾಮಿ ವಾಹನ ತಯಾರಿಕ ಸಂಸ್ಥೆಯಾಗಿರುವ ಆಡಿ, 2015 ಅಥವಾ ಪ್ರಸಕ್ತ ಸಾಲಿನಲ್ಲಿ ಭಾರತಕ್ಕೆ 10 ಉಡುಗೊರೆಗಳನ್ನು ನೀಡುವ ಯೋಚನೆಯಲ್ಲಿದೆ. ಅವುಗಳು ಯಾವುವು ಬಲ್ಲೀರಾ?

ಹೌದು, ಪ್ರೀಮಿಯಂ ಕಾರುಗಳಲ್ಲಿ ಹೆಸರುವಾಸಿಯಾಗಿರುವ ಆಡಿ 10 ಹೊಸ ಮಾದರಿಗಳನ್ನು ಈ ಸಾಲಿನಲ್ಲಿ ದೇಶಕ್ಕೆ ಪರಿಚಯಿಸಲಿದೆ. ಈ ಉಡುಗೊರೆಗಳ ಸರಪಣಿಯು ಐಕಾನಿಕ್ ಆರ್8 (ಮ್ಯಾಟ್ರಿಕ್ಸ್ ಎಲ್‌ಇಡಿ) ಮಾದರಿಯೊಂದಿಗೆ ಆರಂಭವಾಗಲಿದೆ.

ತದಾ ಬಳಿಕ ನಾಲ್ಕು ಬಾಗಿಲುಗಳ ಪರಿಷ್ಕೃತ ಎ6 ಹೊಸತನದೊಂದಿಗೆ ಆಗಮನವಾಗಲಿದೆ. ಇದು ಕೂಡಾ ಮ್ಯಾಟ್ರಿಕ್ಸ್ ಎಲ್‌ಇಡಿ ಪಡೆಯಲಿದೆ. ಇನ್ನು ಎ7 ಕೂಡಾ ಆಡಿ ಪರಿಗಣನೆಯಲ್ಲಿದೆ.

ಹಾಗೆಯೇ ಪರಿಷ್ಕೃತ ಕ್ಯೂ3 ಎಸ್‌ಯುವಿ, ಆರ್‌ಎಸ್ ಕ್ಯೂ3 ಕೂಡಾ ಹೊಸತನವನ್ನು ನೀಡಲಿದೆ. ಅಂತೆಯೇ ವರ್ಷಾಂತ್ಯದಲ್ಲಿ ದೊಡ್ಡ ಎಸ್‌ಯುವಿ ಕ್ಯೂ7 ಇತರ ಕಾರುಗಿಂತಲೂ ಭಿನ್ನವಾಗಿಸಲಿದೆ.