ಬಿಎಂಡಬ್ಲ್ಯುನಿಂದ ಎಲೆಕ್ಟ್ರಿಕ್ ಎಸ್‌ಯುವಿ ಬರುತ್ತಾ?

ಶಿಪ್ರ ಗತಿಯಲ್ಲಿ ಬೆಳೆದು ಬರುತ್ತಿರುವ ಅಮೆರಿಕ ಮೂಲದ ಎಲೆಕ್ಟ್ರಿಕ್ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟೆಸ್ಲಾ ಮೋಟಾರ್ಸ್‌ಗೆ ಸೆಡ್ಡು ನೀಡಲು ಹೊರಟಿರುವ ಜರ್ಮನಿ ಮೂಲದ ಐಷಾರಾಮಿ ವಾಹನ ತಯಾರಿಕ ಸಂಸ್ಥೆಯಾಗಿರುವ ಬಿಎಂಡಬ್ಲ್ಯು, ಕ್ರೀಡಾ ಬಳಕೆಯ ವಿದ್ಯುತ್ ಚಾಲಿತ ವಾಹನವನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಮಾಡೆಲ್ ಎಕ್ಸ್ ಎಂಬುದು ಟೆಸ್ಲಾದ ಎಲೆಕ್ಟ್ರಿಕ್ ಎಸ್ ಯುವಿಯಾಗಿರಲಿದೆ. ಇದಕ್ಕೆ ಪ್ರತ್ಯುತ್ತರವಾಗಿ ಬಿಎಂಡಬ್ಲ್ಯು ಬ್ಯಾಟರಿ ಚಾಲಿತ ಎಸ್ ಯುವಿ ಕಣಕ್ಕಿಳಿಸುವ ಯೋಜನೆ ಹೊಂದಿದೆ.

ಬಿಎಂಡಬ್ಲ್ಯು ಆಡಳಿತ ಮಂಡಳಿಯಿಂದ ಈ ಬಗ್ಗೆ ಯಾವುದೇ ಸ್ಪಷ್ಟನೆ ದೊರಕಿಲ್ಲ. ಇನ್ನೊಂದೆಡೆ ಟೆಸ್ಲಾ ಮಾಡೆಲ್ ಎಕ್ಸ್ ಅತಿ ಶೀಘ್ರದಲ್ಲೇ ವಿತರಕರನ್ನು ತಲುಪಲಿದೆ.

ಏತನಧ್ಯೆ ಜರ್ಮನಿಯದ್ದೇ ಆಗಿರುವ ಆಡಿ ಸಂಸ್ಥೆಯು ಸಹ ಇದಕ್ಕೆ ಸಮಾನವಾದ ಯೋಜನೆಯನ್ನು ಕೈಗೆತ್ತಿಕೊಳ್ಳುತ್ತಿದೆ ಎಂಬ ಬಗ್ಗೆ ವರದಿಗಳಿವೆ. ಆದರೆ ಎಲ್ಲವೂ ಗೌಪ್ಯವಾಗಿಟ್ಟುಕೊಳ್ಳುವ ಮೂಲಕ ಮಾರಾಟ ನೀತಿ ಅನುಸರಿಸಲಾಗುತ್ತಿದೆ.