'ವಿಶ್ವ ಹಸಿರು ಕಾರು' ಪ್ರಶಸ್ತಿ ಬಾಚಿಕೊಂಡ ಬಿಎಂಡಬ್ಲ್ಯು ಐ8

'ವಿಶ್ವದ ಹಸಿರು ಕಾರು' ಪ್ರಶಸ್ತಿಗೆ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸ್ಪೋರ್ಟ್ಸ್ ಕಾರು ಭಾಜನವಾಗಿದೆ. ಕೆಲವು ಸಮಯಗಳ ಹಿಂದೆಯಷ್ಟೇ ಈ ಜನಪ್ರಿಯ ಕಾರು ಭಾರತೀಯ ಮಾರುಕಟ್ಟೆಗೂ ಎಂಟ್ರಿ ಕೊಟ್ಟಿತ್ತು.

2015 ನ್ಯೂಯಾರ್ಕ್ ಆಟೋ ಶೋದಲ್ಲಿ, ಬಿಎಂಡಬ್ಲ್ಯು ಐ8 ಇಂತಹದೊಂದು ಅಮೂಲ್ಯ ಪ್ರಶಸ್ತಿಯಿಂದ ಭಾಜನವಾಗಿದೆ. ವಿಶೇಷವೆಂದರೆ ಕಳೆದ ವರ್ಷ ಇದೇ ಪ್ರಶಸ್ತಿಗೆ ಬಿಎಂಡಬ್ಲ್ಯುನ ಐ3 ಎಲೆಕ್ಟ್ರಿಕ್ ಕಾರು ಅರ್ಹವಾಗಿತ್ತು.

ಅಂತಿಮ ಸುತ್ತಿನಲ್ಲಿ ಫೋಕ್ಸ್ ವ್ಯಾಗನ್ ಗಾಲ್ಫ್ ಜಿಟಿಇ ಮತ್ತು ಮರ್ಸಿಡಿಸ್ ಬೆಂಝ್ ಎಸ್500ಗಳಂತಹ ಮಾದರಿಗಳನ್ನು ಹಿಂದಿಕ್ಕಿರುವ ಬಿಎಂಡಬ್ಲ್ಯು ಐ8 ಇಂತಹದದೊಂದು ಗೌರವಕ್ಕೆ ಪಾತ್ರವಾಗಿದೆ.

ಅಂದ ಹಾಗೆ ಭಾರತದಲ್ಲಿ ಬಿಎಂಡಬ್ಲ್ಯು ಹೈಬ್ರಿಡ್ ಸ್ಪೋರ್ಟ್ಸ್ ಕಾರು 2.29 ಕೋಟಿ ರು.ಗಳಷ್ಟು (ಎಕ್ಸ್ ಶೋರೂಂ ಬೆಲೆ) ದುಬಾರಿಯೆನಿಸುತ್ತದೆ.