ಹೋಂಡಾ ಬಿಆರ್-ವಿ ಮೊದಲ ಮಾದರಿ ಪ್ರದರ್ಶನ

ಇಂಡೋನೇಷ್ಯಾ ಅಂತರಾಷ್ಟ್ರೀಯ ಆಟೋ ಶೋದಲ್ಲಿ ಬಹುನಿರೀಕ್ಷಿತ ಹೋಂಡಾ ಬಿಆರ್-ವಿ ಮೊದಲ ಮಾದರಿ (Prototype) ಭರ್ಜರಿ ಪ್ರದರ್ಶನ ಕಂಡಿದೆ. ಇದು ನಿಕಟ ಭವಿಷ್ಯದಲ್ಲೇ ಭಾರತ ವಾಹನ ಮಾರುಕಟ್ಟೆ ಪ್ರವೇಶಿಸಲಿದೆ.

ಜನಪ್ರಿಯ ಬ್ರಿಯೊ ತಳಹದಿಯಲ್ಲಿ ನೂತನ ಬಿಆರ್-ವಿ ನಿರ್ಮಾಣವಾಗಲಿದೆ. ಇದೇ ಫ್ಲ್ಯಾಟ್ ಫಾರ್ಮ್ ನಲ್ಲಿ ಹೋಂಡಾ ಮೊಬಿಲಿಯೊ ಎಂಪಿವಿ ಹಾಗೂ ಅಮೇಜ್ ಕಾಂಪಾಕ್ಟ್ ಸೆಡಾನ್ ಕಾರುಗಳು ನಿರ್ಮಾಣವಾಗಿರುವುದನ್ನು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.

ವಾಹನೋದ್ಯಮದ ನಿಕಟ ಮೂಲದ ಪ್ರಕಾರ ಮೊದಲು ಇಂಡೋನೇಷ್ಯಾ ಮಾರುಕಟ್ಟೆ ತಲುಪಲಿರುವ ಹೋಂಡಾ ಬಿಆರ್-ವಿ ಮಿನಿ ಎಸ್‌ಯುವಿ ತದಾ ಬಳಿಕ ಭಾರತ ಪ್ರವೇಶ ಪಡೆಯಲಿದೆ.

ಎಂಜಿನ್ ತಾಂತ್ರಿಕತೆ

• 1.5 ಲೀಟರ್ ಐ-ವಿಟೆಕ್
• 120 ಅಶ್ವಶಕ್ತಿ
• 145 ಎನ್‌ಎಂ ತಿರುಗುಬಲ
• 6 ಸ್ಪೀಡ್ ಮ್ಯಾನುವಲ್ ಅಥವಾ ಸಿವಿಟಿ ಗೇರ್ ಬಾಕ್ಸ್

ಆಕರ್ಷಕ ವಿನ್ಯಾಸ, ನಂಬಿಕೆಗ್ರಸ್ತ ಎಂಜಿನ್ ಹೋಂಡಾ ಕಾರುಗಳ ಪ್ರಮುಖ ಆಕರ್ಷಣೆಯಾಗಿದೆ. ಇದನ್ನೇ ಕಾಯ್ದುಕೊಳ್ಳುವ ಪ್ರಯತ್ನವನ್ನು ಮಾಡಲಾಗಿದೆ. ಹೆಚ್ಚು ಗ್ರೌಂಡ್ ಕ್ಲಿಯರನ್ಸ್, 16 ಇಂಚುಗಳ ಅಲ್ಯೂಮಿನಿಯಂ ಚಕ್ರ, ಸಿ ಆಕಾರದ ಎಲ್ ಇಡಿ ಟೈಲ್ ಲೈಟ್, ಸ್ಥಳಾವಕಾಶಯುಕ್ತ ಒಳಮೈ ಹೊಸ ಹೋಂಡಾ ಬಿಆರ್-ವಿ ಕಾರಿನ ಪ್ರಮುಖ ವೈಶಿಷ್ಟ್ಯವಾಗಿರಲಿದೆ.

ಸುರಕ್ಷತೆ

• ಡ್ಯುಯಲ್ ಮತ್ತು ಫ್ರಂಟ್ ಎಸ್ ಆರ್ ಎಸ್ ಏರ್ ಬ್ಯಾಗ್,
• ಎಬಿಎಸ್ ಜೊತೆ ಇಬಿಡಿ
• ವಾಹನ ಸ್ಥಿರತೆ ಅಸಿಸ್ಟ್
• ಹಿಲ್ ಸ್ಟ್ಯಾರ್ಟ್ ಅಸಿಸ್ಟ್

ಅಂತಿಮವಾಗಿ ಹೊಸ ಹೋಂಡಾ ಬಿಆರ್-ವಿ ಮುಂದಿನ ಸಾಲಿನಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ.