ಸೈಕಲ್ ಸವಾರರ ಕನಸಿನ ಚಾಲನೆಗಾಗಿ ಹೋಂಡಾ ಆಕ್ಟಿವ್ ಲೈಫ್

ನೂತನ ಶೈಲಿಯೊಂದಿಗೆ ಹೆಚ್ಚು ಸ್ಥಳಾವಕಾಶದ ಕಾರು ಇದಾಗಿರಲಿದ್ದು, ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಒಳಗೊಂಡಿರಲಿದೆ.

ಇದರಲ್ಲಿ ಅತಿ ಸುಲಭವಾಗಿ ಎರಡು ಸೈಕಲನ್ನು ತುಂಬಿಕೊಂಡು ಹೋಗಬಹುದಾಗಿದೆ. ಇದಕ್ಕಾಗಿ ಹಿಂಭಾಗದಲ್ಲಿ ಪ್ರತ್ಯೇಕ ಜಾಗವನ್ನು ಒದಗಿಸಲಾಗಿದೆ.

ಏರೋಡೈನಾಮಿಕ್ ರೂಫ್ ಬಾಕ್ಸ್ ಮಗದೊಂದು ವೈಶಿಷ್ಟ್ಯವಾಗಿದ್ದು, ಚಿಕ್ಕ ಹೆಲ್ಮೆಟ್ ಮುಂತಾದವುಗಳನ್ನು ಹೊತ್ತೊಯ್ಯಬಹುದಾಗಿದೆ. ಇದರ ಜೊತೆಗೆ 1668 ಲೀಟರ್ ಸ್ಥಳಾವಕಾಶದ ಟೂಲ್ ಬಾಕ್ಸ್, ವಾಟರ್ ಟ್ಯಾಂಕ್ ಹಾಗೂ ಫ್ರಂಟ್ ವೀಲ್ ಹೋಲ್ಡರ್ ಕೂಡಾ ಇರಲಿದೆ.

ಹೊಸ ಸಿವಿಕ್ ಟೂರರ್ ಆಕ್ಟಿವ್ ಲೈಫ್ ಕಾರಲ್ಲಿ ಸ್ಟೀರಿಂಗ್ ವೀಲ್, ಸೀಟು, ಗೇರ್ ಶಿಫ್ಟ್ ಸೇರಿದಂತೆ ಒಳಮೆ ನೀಲಿ ಬಣ್ಣದಿಂದ ಕಂಗೊಳಿಸಲಿದೆ. ಅಲ್ಲದೆ 18 ಇಂಚುಗಳ ಅಲಾಯ್ ವೀಲ್ ಸಹ ಇರಲಿದೆ.

ಅಂದ ಹಾಗೆ ನೂತನ ಹೋಂಡಾ ಸಿವಿಕ್ ಟೂರರ್ ಆಕ್ಟಿವ್ ಲೈಫ್ ಕಾನ್ಸೆಪ್ಟ್ ಕಾರು 1.6 ಲೀಟರ್ ಐ-ಡಿಟೆಕ್ ಎಂಜಿನ್ ನಿಂದ (i-DTEC) ನಿಯಂತ್ರಿಸಲ್ಪಡಲಿದ್ದು, 120 ಅಶ್ವಶಕ್ತಿ ಉತ್ಪಾದಿಸಲಿದೆ.